Бүгін өңірдегі «Достық» үйі ғимаратында Жамбыл облысының Қоғамдық кеңесі және «Интернет қабылдау желісі» сайттарының презентациясы өтті, деп хабарлайды Turaninfo.kz ақпарат агенттігі.
Облыстық ішкі саясат басқармасының «Жергілікті өзін-өзі басқаруды және қоғамдық бақылауды дамыту бойынша ақпараттық орталықты ұйымдастыру» және «Интернет-қабылдау» сайтының жұмысын ұйымдастыру және жүргізу» атты әлеуметтік жобаларының аясында ашылған қос бірдей сайт қоғамдық кеңес жұмысындағы кері байланыс және тұрғындар мен биліктің арасында көпір болмақ.
Аталмыш сайттар J-RECEPTION.KZ , Q-KENES.KZ домендері негізінде ашылып отыр.
— Қоғамдық кеңестің ресми сайтында республикалық, облыс пен аудан көлеміндегі жаңалықтармен тұрақты түрде толықтырылып, «Сұрақ-Жауап», «Қоғамдық бақылау» айдарлар жүргізіледі. Сайтқа өзекті мәселелерді талқылау бойынша мақалалар, мемлекеттік бағдарламалар, нормативтік-құқықтық актілер орналастырылатын болады. Ал «J-RECEPTION.KZ» сайтында тұрғындар өздерін мазалаған сұрақтарын қоя алады — деді «Жамбыл облысы жастар ұйымдарының Қауымдастығы» заңды тұлғалар бірлестігінің президенті Исламбек Дастан.
Заман талабына сай халық игілігі үшін жұмысын ашылған жаңа сайттардың презентациясына Жамбыл облысы әкімдігі ішкі саясат басқармасының басшысы Берік Құрманғали, облыстық қоғамдық кеңестің хатшысы, 100 жаңа есім жобасының жеңімпазы Сембек Сейдазимов, ҮЕҰ мүшелері, БАҚ өкілдері қатысты. Тұсаукесер рәсімінен соң құрбан айтқа орай арнайы кофе-брейк ұйымдастырылып, сайттардың жұмысы еркін форматта талқыланды.
TURANINFO.KZ
