Биыл арқа төсінде бой көтеріп, аз ғана уақыт аралығында алты алаштың тәжіне, Еуразия жүрегіне айналған Астана қаласына 20 жыл толып отыр. Мерейлі мерекеге орай Тараз қаласы «Баласағұн» орталық концерт залында «АСТАНА – АЙМАҚТАРДЫҢ АРҚАУЫ» атты облыстық форум өтті.
Елорданың мерейтойы — республикалық та, халықаралық ауқымдағы да оқиға. Астана — XXI ғасырдағы 10 жыл ішінде бой көтерген жалғыз елорда, ал Қазақстан — екі ғасыр тоғысында жаңа астана салған жалғыз ел;
Форумды облыс әкімі Асқар Исабекұлы Мырзахметовтың құттықтау сөзімен ашылды. Аймақ басшысы өз сөзінде Астананың қалыптастқан әкімшілік, әлеуметтік-экономикалық және саяси орталығы ретіндегі қалыптасу жолын, бас қалаға қарап бой түзеген Жамбыл облысының 20 жыл ішіндегі әлеуметтік-экономикалық, саяси-қоғамдық жетістіктерін атап өтті. Сондай-ақ, Елорданың 20 жылдығына орай бой көтеріп, пайдалануға берілген 20 нысанға, облыс атынан сый ретінде Астана қаласында салынған велосипед жолына тоқталды.
— Елордаға тартылған инвестициялардың республика көлеміндегі үлесі 10 пайызды, ал республика экономикасындағы өңірлік жалпы өнімінің үлесі 10,2 пайызды құрады. 20 жыл ішінде Астана қаласы халқының саны 3,5 есеге өсіп, 1 миллионнан астам адамға жетті. Жаңа өндіріс орындары дүниеге келді. Әлемдік сәулет өнеріне жатқызуға болатын ерекше нысандар да Астанада көптеп бой көтерді. Шағын және орта бизнес қанат жайды. Астана білім мен ғылымның ордасы атанды. Астанада әлемдік талапқа сай жаңа жоғары оқу орындары ашылды. «Қа¬зақстан», «Астана-Опера» секілді бүкіл әлем үшін бірегей концерттік залдар мен театрлар бой көтерді. Осылайша, Астана еліміздің барлық өңірлері үшін дамудың ерекше үлгісін көрсетті. Астананың ел ортасында орналасуы – барлық өңірлерге бірдей әсер етуіне де өз ықпалын тигізіп отыр. Осылайша, Астана – өңірлердің қарқынды дамуының басты факторы және олардың ілгері басуының драйвері болды — деп баяндады Асқар Исабекұлы.
Өз құттықтаулары мен жылы лебіздерін ақын, ҚР еңбек сіңірген қайраткері Қ.Асанов, педагогика ғылымдарының докторы, ТарМПУ профессоры Т.Әбдіқадырова, №40 мектеп-гимназиясы директорының орынбасары И.Щедрина, Назарбаев интеллектуладық мектебінің түлегі Е.Ыбыраева білдірді
TURANINFO.KZ
