Сөреде келесідей дәстүрлі қашықтықтар ұсынылатын болады: 21,1 км (жартылай марафон), 10 км, 10 км (скандинавиялық жүріс) және Экиден командалық эстафетасы. Жартылай марафонға 18 жастан асқан кез келген адам қатыса алады, ал басқа қашықтықтарға – 15 жастан бастап. Almaty Half Marathon халықаралық жарыстар мен жүгірістер қауымдастығының (AIMS) мүшесі болып табылады, ал жартылай марафон трассалары World Athletics стандарттарына сәйкес сертификатталған.
Жартылай марафонның бағыты қала-бақтың көрікті жерлерінен өтіп, асқар таулардың тамаша көрінісін ашады. Қатысушылар жарысты Әл-Фараби даңғылы бойындағы Тұңғыш Президент саябағынан бастап, Орталық стадионда (Сәтпаев көш., 29/3) аяқтайды.
Almaty Half Marathon ұйымдастырушысы – 2012 жылдан бастап Орталық Азиядағы ең ауқымды жүгіру шарасы Almaty Marathon және басқа да әуесқой жүгіру жарыстарын жыл сайын өткізіп келе жатқан «Бірінші болу – батылдық» корпоративтік қоры.
«Almaty Half Marathon өзінің қуаты мен ауқымы арқасында қазақстандықтар мен шетелдік жүгірушілердің махаббатын жаулап алды. «Бірінші болу – батылдық» қорының басқа да іс-шаралары сияқты көктемгі жүгіру жарысы да жоғары деңгейде ұйымдастырылып, түрлі жастағы, кәсіп пен мүмкіндіктері әр түрлі мыңдаған адамдарды біріктіреді. Бұл жай ғана әдемі жүгіріс қана емес, қатысушыларды жылдың басты іс-шарасы – Almaty Marathon-ға дайындайтын және одан кейінгі ауқымы бойынша екінші болып табылатын нағыз жүгіру мерекесі», — деп атап өтті «Бірінші болу – батылдық» корпоративтік қорының қамқоршылық кеңесінің төрағасы Ғалымжан Есенов.
Айта кетсек, 2025 жылдан бастап қатысушылар слот сатып алу кезінде кез келген соманы қайырымдылыққа аудару мүмкіндігіне ие болды. Биыл Almaty Marathon Шымкент пен Түркістан облысында нәресте мүгедектігімен күреске 106 241 284 теңге бағыттап, екі ауқымды қайырымдылық жүзеге жүзеге асыруда. Барлық жобалармен мына сілтеме бойынша танысуға болады.
«Біз Almaty Half Marathon-ды оның көктемгі күй-жайы үшін жақсы көреміз – бұл қысқы тыныштықтан кейінгі алғашқы ауқымды жарыс. Биыл біз қатысушылар санын 2 000 адамға — 8 000-нан 10 000-ға дейін арттырдық. Жүгіруге дайындықтың маңызы зор, сондықтан біз жүгірушілерге барлық жағдайды жасаймыз. Осы маусымда Community Almaty Run жобасы іске қосылды — бұл жүгіріс әуесқойларының қауымдастығы, онда қатысушылар тәжірибесімен бөлісіп, бір-бірін қолдап, қор, ұйымдастыратын жарыстарға дайындалады. Бұдан бөлек, барлық ниет білдірушілер үшін тегін жаттығулар өткізіледі», — деп атап өтті «Бірінші болу – батылдық» корпоративтік қорының атқарушы директоры Салтанат Қазыбаева.
Almaty Half Marathon-да өз қашықтығын жүгіріп өткен барлық қатысушыларға мәреші медалі табысталады. Жас санаттары бойынша барлық қашықтықтағы жүлдегерлерге, сондай-ақ абсолютті жеңімпаздарға серіктестер мен демеушілер тарапынан бағалы және ақшалай жүлделер беріледі.
Қатысушылар almaty-marathon.kz сайтында тіркеліп, қалаған қашықтыққа слотты сатып алуы қажет.
