Аса ауылындағы аудандық мәдениет үйінің көрермен залында Жыр алыбы Жамбыл Жабаевтың 175 жылдығына арналған «Жырымен оятқан жүрегімді» атты әдеби сазды кеш ұйымдастырылды. Кештің мақсаты Жамбыл Жабаев шығармашылығының қазақ әдебиетіндегі алатын орны мен маңызын түсіндіру. Поэзияны сүюге,оны бағалай білуге тәрбиелеу. Ақын шығармалары арқылы ұлжандық сезімін оятып,адамгершілікке, елінінің өнерін сүюге баулу. Сазды кеш ауданымыздың жас ақындары Алихан Яшар мен Елібек Нұрмағанбеттің арнауымен бастау алып, «Дарын» халық театры үш бөлімнен тұратын Ж.Жабаевтың өмірі мен өнер жолынан тұратын көрінісін көрсетті. Кеш барысында аудан өнерпаздары Ж.Жабаевтың өлең,ән, күйлерінен және Жамбыл мен Айкүмістің айтыстарынан шашу шашты.
«Болашаққа бағдар: рухани жаңғыру» бағдарламасы, «Түркі әлемнің генезисі» жобасы аясында «Киелі бесік» атты аудандық байқауы ұйымдастырылды. Байқау мақсаты: халқымыздың рухани байлығын игеруге, ұлттық озық дәстүрден үлгі алуға баулу, халқымыздың ғасырдан ғасырға жалғасып келе жатқан салт-дәстүрлерін дәріптеу; ұлттық мәдениетті нығайту, өскелең ұрпақты отбасы құндылығын бағалай отырып құрметтеуге, мейірбандылыққа тәрбиелеу.
