Әрбір азамат судағы қауіпсіздік ережелерін, сондай-ақ жол қозғалысы ережелерін қатаң сақтауы керек. Бұл туралы ОКҚ алаңында өткен баспасөз конференциясында ҚР ТЖМ Азаматтық қорғаныс және әскери бөлімдер комитеті төрағасының орынбасары Алексей Советов тағы да ескертті.
Оның айтуынша, 2023 жылы толтырылған хаттамалар саны 2022 жылмен салыстырғанда 10%-ға, ал 412-бабындағы «Су айдындарында қауіпсіздік қағидаларын бұзу немесе орындамау» тармағы бойынша 7 есе көп болды.
«Бұл жұмыстың нәтижесі судағы өлім санының азаюы болып табылады. Тыйым салынған жерде шомылғаны үшін айыппұл төлеген адам келесі жолы ол жаққа бармайтынын, қауіпсіз, жабдықталған жерде демалатынын көріп отырмыз», — деп, спикер өз тәжірибесімен бөлісті.
Сондай-ақ ол жағажайда қауіпсіз демалу ережелерін еске салды. Ең бастысы – балаларды су объектілерінің жанында қараусыз қалдырмау және ересек адамсыз шомылуына жол бермеу.
- Бейтаныс және шомылуға жабдықталмаған жерлерде, сондай-ақ «шомылуға тыйым салынған», «сүңгуге тыйым салынған», «Қауіпті! Иірім!» белгілері тұрған орындарда шомылмау;
- Мас күйінде шомылуға болмайды;
- Жүзу шекараларын белгілейтін белгілерден тыс жүзуге болмайды;
- Шағын көлемді кемелерге және басқа да жүзу құралдарына жанында жүзуге болмайды;
- Тексерілмеген және жабдықталмаған жерлерде сүңгуге болмайды;
- Жүзуге арналмаған заттармен жүзуге болмайды;
- Қайықтардан, айлақтардан, табиғи түзілімдерден, жартастардан, сондай-ақ осы мақсаттарға бейімделмеген құрылыстардан суға секірмеу.
Оқыс оқиға орын алған жағдайда шұғыл түрде ҚР ТЖМ «112» телефон нөмірі бойынша хабарласу қажет.
