Оның айтуынша, ағымдағы жылдың І жартыжылдығында облыс соттарына барлығы 657 талап қою түскен. Өткен жылдан қалған 80 істі қосқанда, қарауда болған істердің 580-і немесе 78,7 пайызы толық аяқталған. Салыстырмалы түрде айтсақ, 2025 жылдың тиісті кезеңінде 630 талап арыз түсіп, 456 іс (72,4%) аяқталған болатын. Бұл өңірде әкімшілік істер ағынының 4,3 пайызға өскенін көрсетеді.
Қаралған әкімшілік істердің ішінде 160 іс бойынша түпкілікті шешім шығарылып, талаптарды қанағаттандыру деңгейі 46,3 пайызды құрады. Бұл көрсеткіш өткен жылдың осы кезеңіндегі 43,3 пайызбен салыстырғанда өсім бар екенін және соттардың азаматтар мен заңды тұлғалардың бұзылған құқықтарын қорғаудағы пәрменділігі артып келе жатқанын дәлелдейді. Даулардың құрылымына тоқталатын болсақ, арыздардың басым бөлігі сот орындаушыларының әрекеттеріне шағымданумен байланысты — 28,9%. Сондай-ақ жер-құқықтық қатынастары бойынша талаптар 12,6%-ды, мемлекеттік сатып алу саласындағы даулар 11,1%-ды, тұрғын үй даулары 7,0%-ды, ал өзге де санаттар 12,3%-ды құраған.
Сондай-ақ брифингте кәсіпкерлік субъектілерінің құқықтарын қорғау бағытындағы көрсеткіштерге ерекше назар аударылды. Өңір соттары бизнес өкілдерінің қатысуымен өткен 23 іс бойынша талап қоюды қанағаттандыру туралы шешім шығарған (41,8%). Бұдан бөлек, 7 іс бойынша медиациялық келісім (5,3%) және 1 іс бойынша татуласу келісімі (0,8%) жасалды. Жер даулары бойынша қозғалған 4 істе талап қоюлар толықтай (100%) қанағаттандырылса, мемлекеттік сатып алу саласындағы даулардың 59,2 пайызы (16 іс), ал салық дауларының 22,2 пайызы (2 іс) талап қоюшылардың пайдасына шешілген.
Фото «ChatGPT» қосымшасындағы жасанды интеллекттің көмегімен әзірленді.
