Бұл өткен жылдың сәйкес кезеңіндегі көрсеткіштен (10 тұлға) едәуір жоғары және соттардың айыптау бейімділігінен арылып, дәлелдемелерді бейтарап бағалауға көшкенін білдіреді. Жамбыл өңіріндегі сот жүйесі заңның үстемдігін қамтамасыз ете отырып, сотталатын азаматтардың кінәсі толық әрі бұлтартпас түрде дәлелденбеген жағдайда ақтау актілерін қабылдау тәжірибесін орнықтырып келеді.
Ақталған азаматтардың істерін Қазақстан Республикасының Қылмыстық кодексінің баптары бойынша саралайтын болсақ, ең көп ақтау үкімі қорлау деректері бойынша шығарылған. Жекелей айтқанда, ҚК-нің 131-бабының 1 және 2-бөліктері бойынша 10 тұлға, ҚК-нің 190-бабының 3-бөлігі (алаяқтық) бойынша 1 тұлға, ҚК-нің 195-бабының 4-бөлігі (мүліктік зиян келтіру) бойынша 2 тұлға, ҚК-нің 214-бабының 2-бөлігі (заңсыз кәсіпкерлік) бойынша 2 тұлға, ҚК-нің 256-бабы (терроризмді насихаттау) бойынша 1 тұлға және ҚК-нің 296-бабының 2-бөлігі (есірткі заттарын заңсыз сақтау) бойынша 2 тұлға ақталған. Статистика көрсеткендей, ақталғандардың басым бөлігі жеке айыптау істеріне тиесілі.
Дегенмен, жеке айыптау сипатындағы істерді есепке алмағанның өзінде, мемлекеттік айыптау шеңберінде сотпен ақталғандардың жалпы саны 7 тұлғаны құрап отыр. Атап айтқанда, олардың ішінде ауыр қылмыстар бойынша – 2 тұлға, орташа ауырлықтағы қылмыстар бойынша – 4 тұлға, ал қылмыстық теріс қылық жасады деп айыпталған 1 тұлға сот залынан толықтай ақталып шықты. Бұл көрсеткіштер соттардың со сотқа дейінгі тергеп-тексеру органдары жіберген олқылықтарды анықтап, азаматтардың конституциялық құқықтарын қорғауда белсенді позиция ұстанатынын көрсетеді. Сонымен қатар, есепті кезеңде сот төрелігін демократияландыру құралы ретінде алқабилердің қатысуымен 2 тұлғаға қатысты 2 іс қаралды (өткен жылдың ұқсас кезеңінде 11 тұлғаға қатысты 11 іс қаралған болатын).
