2018 жылдың 02 қазанында Тараз қаласының Мәдениет үйінде Жамбыл облысы қоғамдық кеңес мүшелерінің бірінші форумы өтті.
Форумға Сыбайлас жемқорлыққа қарсы ұлттық бюросының Жамбыл облысы бойынша департаменті басшылығы,Облыстық, Тараз қаласы мен аудандардың қоғамдық кеңес төрағалары, хатшылары және мүшелері, облыстық, Тараз қаласы мен аудандардың арнайы мониторингтік топ басшылары мен мүшелері, орталық атқарушы органдардың аумақтық департаменттерінің басшылары, облыс әкімдігінің басқарма басшылары, Тараз қаласы мен аудан әкімдерінің орынбасарлары, қоғамдық бірлестіктер, бұқаралық ақпарат құралдардың өкілдері қатысты.
Форум жұмысында қоғамдық кеңестердің әлеуетін кең көлемде қолдану мәселелері, мемлекеттік органдарымен өзара іс-әрекеті,сондай-ақ, мемлекеттік органдардың ашықтығын қамтамасыз ету мен есеп беруі,қоғамда сыбайлас жемқорлыққа қарсы «нөлдік төзімділікті» қалыптастыру, сондай-ақ, арнайы мониторингтік топтың жұмыстары талқыланды.
Форум қорытындысы бойынша мемлекеттік дамудың бүкілхалықтық индикаторларының облыс аумағында өз дәрежесінде іске асырылуына үздіксіз қоғамдық бақылау жасау, әлеуметтік желіде жарияланған полиция қызметкерлерінің әдеп нормаларын бұзу фактілері бойынша қолданылған шаралар туралы материалдарды жариялап отыру, мемлекеттік орган және оған бағынысты мекемелер қызметінің сыбайлас жемқорлық тәуекелдеріне ішкі талдау жүргізу тәжірибесін зерделеп, аталған жұмыстарды жандандыра түсу туралы ұсыныстар жасалды.