Қазіргі уақытта азаматтардың сот төрелігіне қолжетімділігін толық қаматамасыз ету, сот құрылысын дамыту және шиеленіскен дауларды шешудің баламалы түрлерін енгізу және сыбайлас жемқорлыққа жол бермеу, соттың ашықтығы, халық сенімін арттыру, сотқа деген оң көзқарасты қалыптастыру, заң үстемдігін қамтамасыз ету, сыбайлас жемқорлықтың тамырын қию жөнінде өткізіліп жатқан іс шараларының жүзеге асырылуына, адал еңбек жасап үлес қосу сот қауымдастығының міндеті.
Қазіргі таңда әкімшілік құқық бұзушылық туралы заңнамасының талабы соттардан сот отырысын заң талаптарына сай және сапалы сот актісін шығаруды талап етеді.
Судьяның заң үстемдігін қамтамасыз етуі, процессуалдық заң талабына сәйкес шығарылған заңды актісі арқылы халықтың сотқа деген сенімін арттырады, сонымен қатар қоғамның сотқа деген беделін жоғарылатады.
Әкімшілік құқық бұзушылық заңында, жеке немес заң тұлғаны заңсыз әкімшілік жауаптылыққа тарту, заңсыз жаза тағайындау, заңсыз әкімшілік жауаптылықтан босату фактілері орын алмау керектігі айқындалған.
Әкімшілік құқық бұзушылық туралы заңнамасында көрсетілгендей, өзiне қатысты iс қозғалған жеке тұлғаға немесе заңды тұлғаның өкiлiне әкiмшiлiк құқық бұзушылық туралы хаттамамен танысуға мүмкiндiк берiлуге тиiс. Аталған тұлғалар хаттаманың мазмұны бойынша түсiнiктемелер беруге және ескертулер жасауға, сондай-ақ оған қол қоюдан өзiнiң бас тарту уәждерін баяндауға құқылы, бұлар хаттамаға қоса беріледі. Осы адамдар әкiмшiлiк құқық бұзушылық туралы хаттамаға қол қоюдан бас тартқан жағдайда хаттамаға тиiстi жазба жүргізіледі. Өзіне қатысты іс қозғалған тұлғаның хаттамаға қол қою фактісі аталған тұлғаның хаттамамен танысқандығын куәландырады және әкімшілік құқық бұзушылықты жасауда өз кінәсін мойындау болып табылмайды.
Атап айтқанда, әкімшілік құқық бұзушылық туралы іс жүргізіліп жатқан тұлғаға заңмен кепілдік берілген барлық құқықтарын жүзеге асыру жөніндегі тиісті шаралар жасалған.
Сот отырыстарында тараптардың әкімшілік құқық бұзушылықты жасау себебін анықтағанда көп жағдайда заңды білмеуінен орын алғаны байқалады. Осыған орай, халықтың әлі де құқықтық сауатын ашу қажеттілігі туындайды.
Сотқа жүгінген әрбір адам, өз үмітімен, менің құқым мен бостандығым осы сотта ғана қорғалады және іс қараған кезде әділ шешім қабылданады деп сеніммен келеді.
Сол себепті жеке немесе заң тұлғаның құқықтары мен бостандығын қорғау және әкімшілік құқық бұзушылық туралы заң талабын орындау, біркелкі дұрыс тәжірибе қалыптастыру соттар үшін де міндетті.
Жамбыл аудандық сотының судьясы Сабит Калдыбаев
