Жамбыл облысы әкімдігінің баспасөз орталығында «Қызыл сызық» нормаларын бұзып жүргізілген заңсыз құрылыс нысандары туралы брифинг өтті. Брифинг спикерлері облыс әкімінің орынбасары Еркебұлан Дауылбаев пен Тараз қаласының әкімі Ғалымжан Әбдірайымов қатысты.
— «Құрылыс нормаларының бұзылуының басты себептерінің бірі, Қазақстан Республикасының қолданыстағы құрылыс заңнамалардың талаптарына сәйкес, рұқсат алу құжаттарын дайындау мерзімі шамамен 134 күн және қомақты қаржы шығынын талап етеді. Осы себептерге байланысты, жеке кәсіпкерлерге көбінесе өзіне тиісті жер телімдерінде тез арада артық шығын шығармай құрылыс нысандарын салып, жеңіл жолдармен айыппұл төлеу немесе рақымшылық арқылы заңдастырып алуға мүдделі екені анықталды»- деп мәлімдеді Еркебұлан Әбілханұлы.
Тараз қаласы, Байзақ, Жамбыл, Қордай, Сарысу, Талас және Шу аудандары бойынша заңсыз құрылыс жұмыстары жүргізілген 25 нысан субъектілері анықталды. Атап айтқанда, нысаналы мақсатын өзгерту шешімі — 19, СЖТ — 12, ЖСҚ — 1, жобаның оң сараптама қорытындысы — 1, қоршаған ортаны қорғау сараптамасы 1 — де ғана бар болып шықты.
— «Тараз қаласында орналасқан кәсіпкерлік нысанның 6-ы құрылыс нормаларын бұзу себептері бойынша тиісті шара қолдану үшін қажетті материалдары сот органдарына жолданды. Мысалы, Жамбыл даңғылы №7 мекен-жайда орналасқан «Сауда» дүкені — 16 метр, Жамбыл даңғылы №5 «Джамиля» кафесі 15 метр ауытқуы анықталды. Оларға сәулет және құрылысты бақылау басқарма тарапынан тиісті шаралар қолдану үшін құжаттар толтырылды» — деп баяндады Ғалымжан Райылұлы.
Айта кетерлігі, құрылыс салу шекарасы «Қызыл сызық» нормаларын бұзылып жүргізілген кәсіпкерлік нысандарды талдау, зерделеу, жұмыстары жалғасын табады деп сендерді спикерлер.
TURANINFO.KZ
