«Адал жол» жобасын жүзеге асыру аясында темір жол саласындағы сыбайлас жемқорлық көріністерін анықтау мақсатында әртүрлі шаралар тұрақты түрде жүргізіліп тұрады.
«Жамбыл – Адалдық алаңы» жобалық кеңсесінің өкілдері Департамент қызметкерлерімен, Арнайы мониторингтік топ мүшелерімен, Жамбыл облысының көліктік бақылау инспекциясы мен желілік полиция бөлімінің өкілдерімен берлесе облыс аумағынан өтетін поездарда рейдтік шаралар өткізіп тұрады. Ағымдағы жылдың 3 айында Көліктік бақылау инспекциясы қызметкерлері 2 жолсерікті билетсіз жолаушыларды алып жүргені үшін әкімшілік жауапкершілікке тартты.
2019 жылғы 14 наурыздағы тексеру шаралары барысында №55 Көкшетау – Қызылорда поезынан билетсіз жолаушыны алу фактісі анықталды. Аталған дерек бойынша Көліктік бақылау инспекторы ҚР ӘҚБК 623 бабының 4 бөліміне сәйкес, көрсетілген поездың жолсерігі Б.Е.Әжіхановқа қатысты әкімшілік хаттама толтырды.
Ал, 15 наурызда №316 Қазан – Ташкент бағытындағы поездың жолсерігі С.У.Назаров та жолаушыны билетсіз қабылдағаны үшін осындай әкімшілік жауапкершілікке тартылды.
Сонымен қатар, №9 Алматы – Нұр-Султан, №85 Сарыағаш – Нұр-Сұлтан, 377 Алматы – Маңғыстау, 21 Семей – Қызылорда поездарын тексеру барысында Көліктік бақылау инспекциясының қызметкерлері төмендігідей техникалық бұзушылықтарды анықтап, бұзушылықтарды жою жөнінде актілер толтырды:
«Жасырын сатып алушы» әдісімен жүргізілген іс-шаралар барысында жұртшылықтың белсенді өкілдері темір жол көлігіне жолаушыларды билетсіз салып жіберу қызметін ұсынатын делдалдық жұмыстарын, кейбір жолсеріктердің белгілі бір сомаға билетсіз жолаушыларды қабылдауға келісу, жүкті келісілген станцияға дейін ешбір рәсімдеусіз алып кету фактілерін анықтады.
Ағымдағы жылдың 7 сәуірінде Тараз темір жол вокзалының ішінде Сарыағаш – Нұр-Сұлтан поезына билетсіз жолаушыны 10 000 теңгеге салып жіберетінін, оның 9 000 теңгесін жолсерік алатыны, ал 1 000 теңгесін қызметіүшін өзі алатыны туралы айтқан азаматшының әрекеттері анықталды.
Сол күні №378 Маңғыстау – Алматы поезының №16 вагонының жолсерігі Алматы қаласына 5 000 теңгеге билетсіз жолаушыны купе вагондағы төменгі жайлы орын тауып беру арқылы алып кетуге дайын екендігін жеткізген.Сондай-ақ, аталған іс-шаралар барысында поезға жүкті заңсыз қабылдап алу дерегі анықталды. №23 Алматы – Ақтөбе поезының №11 вагонының жолсерігі Ақтөбе станциясына дейін жүкті ешқандай рәсімдеусіз 1 000 теңгеге алып кеткен.
Барлық анықталған деректер бейнетаспаға жазылып алынып, ағымдағы жылдың 10 сәуірінде ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің өкілі, «Адал жол» республикалық жобасының жетекшісі И.Н.Майшекин мен «Жолаушылар тасымалы» АҚ филиалының директоры Ю.Н.Юревичтің, Темір жол вокзалы мен желілік полиция басшыларының, қоғамның белсенді өкілдерінің, сондай-ақ БАҚ өкілдерінің қатысуымен өткен отырыста көрсетілді.
Отырыста көрсетілген фактілермен қатар темір жол саласындағы жолаушылардың ақпараттандырылмауы, вокзал қызметкерлерінің делдалдармен таныстық ықтималдығы, поездарға жүкті рәсімдеусіз қабылдап алу, кейбір жайлы орындарға билеттердің тек жеке меншік кассаларда болуы, вагон жетіспеушілігі, поездардағы төсек орындардың жай-күйі, вагондардың техникалық жағдайы сияқты түйткілді мәселелер талқыланды.
Көтерілген мәселелерді талқылау нәтижесінде отырысқа қатысушылар темір жол саласындағы сыбайлас жемқорлық және өзге де құқық бұзушылықтардың алдын алу мен жоюға бағытталған төмендегідей ұсыныстар берілді:
— тұрғындарды темір жол көлігімен билетсіз жүргені үшін жауапкершілік қарастырылатыны туралы жаппай ақпараттандыру;
— вокзалдар мен станцияларда жолаушыларға делдалдармен байланысқа түсуге тиым салынатыны туралы хабарлау;
— кассалар маңынан поездардағы бос орындардың нақты нөмірлерін көрсетіп отыратын монитор орнату арқылы жолаушыларды ақпараттандыру жүйесін енгізу;
— вокзал мен желілік полиция бөлімінің басшылығына вокзал мен станцияларда және поездарда сыбайлас жемқорлық деректерін анықтау және жою шараларын қабылдау;
— «Жолаушылар тасымалы» АҚ-на поезд вагондарыың жағдайын жақсарту шараларын қабылдау.
Анықталған бұзушылықтардың бейнежазбалары Жамбыл станциясындағы желілік полиция бөлімі мен Тараз қаласы вокзалының басшылығына тиісті шаралар қабылдау үшін жолданды.
