Жамбыл облысында оқушылар арасында тұмау және ЖРВИ сырқаттанушылық деңгейінің 14,5%-ға көтерілуіне байланысты облыс әкімі Ербол Қарашөкеевтің тапсырмасына сәйкес жауапты тұлғаларға нақты міндеттер жүктеліп, тиісті шаралар қабылдануда.
Қазіргі таңда бірқатар білім беру ұйымдарында оқу процесі уақытша қашықтан оқыту форматына ауыстырылды.
Соңғы деректер бойынша облыста:
-
30 мектеп толық,
-
2 мектептің жекелеген сыныптары (36% және 68%) онлайн оқытуға көшірілді.
Атап айтқанда:
-
Меркі ауданындағы №2 Аспара мектебінде 17 сыныптың 12-сі 14–20 қараша аралығында, ал 5 сыныбы 19–25 қараша аралығында онлайн оқуда. Жалпы 228 оқушы қашықтан білім алуда.
-
№4 мектептің 33 сыныбының 12-сі,
-
№8 мектептің 22 сыныбының 15-сі 19–25 қараша аралығында қашықтан оқытылуда.
Талас ауданында онлайн форматқа ауыстырылған:
-
№1 мектеп-лицей,
-
А.Байтұрсынұлы атындағы гимназия,
-
М.Әуезов атындағы орта мектеп.
Тараз қаласында 19 қарашадан бастап қашықтан оқытуға көшкен мектептер:
№2, 10, 11, 12, 17, 18, 19, 21, 25, 26, 27, 28, 31, 32, 35, 36, 39, 53, 55, 57, 62, 64, сондай-ақ №52 және «Қоңыртөбе» бастауыш мектебі, Ш.Мұртаза атындағы мектеп-гимназиясы.
Бұл мектептерде оқушылардың 30%-дан астамы сырқаттанған.
Тараз қаласында 20 қарашадан бастап қашықтан оқытуға көшкен мектептер: №№7, 20, 29, 43, 46, 61
ҚР Бас мемлекеттік санитариялық дәрігерінің 2025 жылғы №6 қаулысына сәйкес:
-
Сыныптағы оқушылардың 20–30%-ы ауырған жағдайда — сынып 7 күнге жабылады;
-
Мектеп бойынша сырқаттану деңгейі 30%-дан жоғары болса — оқу процесі толық қашықтан оқыту форматына ауыстырылады;
-
Көпшілік іс-шаралар мен кабинеттік оқыту жүйесі уақытша тоқтатылады.
Өңірде тұмаудың A H3N2 штаммы бойынша 66 жағдай тіркелді.
Білім басқармасы ата-аналар мен педагогтерді, өңір тұрғындарын санитариялық талаптарды қатаң сақтап, балалар денсаулығына мұқият болуға шақырады.
Барлық енгізілген шектеулердің басты мақсаты — балалардың қауіпсіздігін қамтамасыз ету.
