Жоба аясында бірнеше бағыт бойынша зерттеу жұмыстары жүргізіледі. Бірінші кезекте, Тараз қаласының барлық 11 мөлтек ауданы мен тұрғын алқаптарын қамтитын, 18 жастан асқан 3 000-нан астам респондент арасында жаппай сауалнама жүргізу жоспарланған. Сонымен қатар, Шолдала, Құмшағал, Көлтоған, Арай, Қызылабад секілді 10 шалғай және жаңадан қосылған аумақтардағы инфрақұрылымдық мәселелерді анықтау үшін фокус-топтық пікірталастар ұйымдастырылады.
Зерттеу барысында мемлекеттік басқару, қоғамдық кеңес және үкіметтік емес ұйымдар өкілдерінен құралған кемінде 7 сарапшының пікірі ескеріледі. Бағалау жұмыстары әлеуметтік саясат, жастар саясаты, қауіпсіздік, құқықтық тәртіп және этносаралық келісім сияқты 5 негізгі бағытты қамтиды.
«Taraz-Insight 2026: Әлеуметтік келісім мен даму картасы» әлеуметтік жобасы Тараз қаласы әкімдігі ішкі саясат бөлімінің тапсырысымен «Азаматтық бастамаларды қолдау орталығы» КЕАҚ қолдауымен «Жамбыл облысы Жастар мәслихаты» жастар қоғамдық бірлестігі ұйымдастырады.
