Бұл туралы Жамбыл облысы прокуратурасы хабарлады.
Аталған маңызды іс-шараға өңірге арнайы жұмыс сапарымен келген Қазақстан мұсылмандары діни басқармасы Бас мүфтиінің кеңесшісі Смаил Сейтбеков пен басқарма өкілдері қатысып, өз ойларымен бөлісті.
Кездесу барысында сотталғандарға дәстүрлі ислам құндылықтарын ұстанудың маңыздылығы, рухани-адамгершілік қасиеттерді дамыту және қоғамға қайта бейімделудің негізгі қағидаттары жөнінде терең түсіндіру жұмыстары жүргізілді. Сонымен қатар, экстремизм мен терроризм идеологиясының қауіптілігі ашып айтылып, жазасын өтеушілер дәстүрлі емес діни ағымдардың теріс ықпалынан барынша сақ болуға шақырылды.
«Жазаларды орындау заңдылығы мен сотталғандарды қайта әлеуметтендіру мәселелері Жамбыл облысы прокуратурасының тұрақты бақылауында. Аталған бағыттағы профилактикалық және түсіндіру жұмыстары алдағы уақытта да жүйелі түрде жалғасатын болады», – делінген ресми хабарламада.
Ақпарат Жамбыл облысы әкімдігі ақпарат және қоғамдық даму басқармасы мемлекеттік ақпараттық саясат тапсырысы негізінде жарияланды
