Тұмау вирусы өте қауіпті, әрі қу және оның еміне қалай болса солай қарау өте ауыр асқынуларға алып келуі мүмкін.
Тұмау вирусына шалдығу өте оңай, себебі ол жан-жаққа ауалы-тамшылы жолмен таралады және науқас болған жылы, ауасы нашар алмасатын бөлмелерде ұзақ сақталады. Әсіресе тұмауды иммунитеті әлсіреген адамдар жеңіл жұқтырады – жүкті әйелдер, балалар, қарттар.
Тұмау инфекциясының дамуының бірқатар ерекшеліктері болады. Тұмаудың бірінші белгілері организмге түскен вирустың көлеміне, адамның иммундық жүйесінің жағдайына, вирустың типіне байланысты. Ауру инкубациялық кезеңнен басталады. Жұқтырудан бастап бірінші белгі пайда болғанға дейін бірнеше сағаттан бірнеше күнге дейін өтеді (орташа есеппен 2-4 күн). Аурудың белгілері өте жіті басталады, сондықтан, пациент ауру белгілерінің басталуын көбінесе нақты атай алмайды.
Шұғыл көмекті қажет ететін белгілер туралы мынаны есте сақтау керек: 3-5 күннен астам уақыт дене қызуының 38-40°С-тан жоғары болуы, бастың қатты ауыруы (ауырсынуды басатын препараттарды қабылдағаннан кейін де ауыру), сондай-ақ демікпе, естің бұзылуы, аяқ-қолдың тартылуы, аяқтағы геморрагиялық бөртпе.
Кез-келген дәрігер мақұлдайтын жайт: тұмау мен оның асқынуларын емдегеннен гөрі, аурудың алдын алу әлдеқайда жеңіл. Және алдымен ағзаның қорғаныш күштерін жоғарылату қажет – яғни арнайы емесе иммунитетті күшейту қажет.
Жіті вирустық инфекциясының көп жағдайда жұқтырылатын ерекше тәуекел тобы болады. Тәуекелдің осы санатына балалар, жүкті әйелдер, созылмалы ауруы бар адамдар, сонымен қатар медицина қызметкерлерінің өздері және жұмысы халықпен тығыз байланысты адамдар жатады. Олардың ішінде созылмалы өкпе, жүрек-қан-тамыр ауруларымен, инммундық жеткіліксіздігімен ауыратын, әлсіз және жиі ауыратын балалар, медицина қызметкерлері жүкті әйелдер мемлекеттік бюджет қаражаты есебінен вакцинацияланады. Тәуекелдің осы топтарының әрқайсысы аурудың ауыр түріне бейім. Бұл ретте, уақтылы егілу аурудың жеңіл өтуіне көмектеседі.
Алдын алудың тиімді шараларының бірі болып екпе табылады. Біздің елімізде тіркелген вакциналар қауіпсіз, жеңіл тасымалданады және қолдануда ыңғайлы.
Есте сақтайтын маңызды жайт: өз бетімен емделуден сақ болыңыз! Ауру белгілері білінген сәтте дереу үйге дәрігер шақыртыңыз.
Тұмау маусымы кезінде осындай қарапайым, алайда өте тиімді қорғану шараларын ұмытпаған жөн: қолды жиі-жиі сабындап жуу (әсіресе қоғамдық көлікте жүргеннен кейін) және әрбір 2-3 сағат сайын ауыстыра отырып, бірреттік бетперделерді қолдану. Егер сіз суықтап ауырып қалсаңыз жөтел этикетін сақтаңыз – ауыз бен мұрынды беторамалмен жабыңыз. Тағамға лимон, бал, сарымсақ, пиязды тұтынып, ұсатылған сарымсақ пен пияздың буларымен дем алу.
Сонымен қатар, ағзаның вирусқа қарсы тұру қабілетін күшейту үшін бірқатар шаралар кешенінің талаптарын орындау қажет, рационалды тамақтану мен полидәрумендерді қабылдаудан бастап, денені шынықтырумен аяқтау.
Жалпы алғанда, денсаулығыңызға жете көңіл аударып, алдын алу шараларын ұмытпау қажет, ауруды өз бетімен жіберіп қойып, «аяқта» өткізбеген жөн.
Екпе жөнінде, сонымен қатар инфекциялық аурулардың алдын алу жөнінде ақпаратты 8-8000-700-830 (қоңырау тегін) нөміріне хабарласып, сұрақ қойып, жауап және кеңес алуыңызға болады.
