Жамбыл облысы әкімдігінде Сыбайлас жемқорлыққа қарсы іс-қимыл мәселелері жөніндегі облыстық комиссия отырысында ҚР Мемлекеттік қызметі істері және сыбайлас жемқорлыққа қарсы іс-қимыл агенттігінің облыс бойынша департаментінің басшысы Равиль Төлебаев облыстағы білім беру ұйымдарындағы тұрмыстық жемқорлық мәселелері туралы баяндама жасады.
Баяндамада «Жамбыл–адалдық алаңы» жобасы аясында сыбайлас жемқорлық сипатындағы құқық бұзушылықтарға бейім оқытушы, ұстаздарды анықтау мақсатында жүргізілген сауалнамалардың қорытындысына тоқталып, оқу орындарындағы ақша жинау фактілерін азайту бойынша бірнеше ұсыныстар айтылды:
1) Білім беру ұйымдарының тестілеуді ұйымдастырушы мамандарының (оператарлардың) жауаптылығын қарауды күшейту және бейне бақылау орнату;
2) Сессия кезінде оқытушы мен студенттер арасындағы қатынасты барынша жою бойынша арнайы регламент әзірлеу (шектеу туралы) және ол бойынша бақылауға алу;
3) Мектептерде заңсыз ақша жинау мәселесін қатаң бақылауға алу және кездескен фактілер бойынша міндетті түрде шара қабылдау;
4) Мектепке көмек көрсетуге ниет білдірген ата-аналардың қаражатын тек арнайы қорға жинау;
5) Мұғалімдердің міндеттеріне кірмейтін жұмыстарды атқаруды және жұмыстан тыс уақытта үстеме жұмыстарға тартуды тоқтату;
6) Мұғалімдерді баспасөз басылымдарына жазылуға мәжбүрлеуді тоқтату;
7) Қамқоршылық кеңестердің жұмысын ұйымдастыру туралы мектептердің және ата-аналардың назарына тиісті деңгейде жеткізу;
8) Мектептерге бөлінген қаражаттардың ашықтығын қамтамасыз ету мақсатында атқарылған жұмыстар бойынша қамқоршылық кеңестермен жиі кездесулер ұйымдастыру;
9) Ата-аналар назарына сайттардағы «ашық бюджет» бөліміндегі шығындарды ашып көрсету.
Берілген ұсыныстар облыс әкімі А.Мырзахметовтен қолдау тапты.
Облыс әкімі ұсыныстарды хаттамалық тапсырмаға енгізу қажеттігі, білім басқармасына нақты шаралар қабылдау керектігін баса айтып, білім басқармасы шығарған бұйрық пен қоғамдық кеңестің ережелерінен әр мектепте арнайы бұрыштар дайындау керектігі туралы нақты тапсырмалар берілді.
#adaldygalany
#zhambyladaldygalany
