5513 әскери бөлімінің әскери қызметшілерінің қырағылығы полиция қызметкерлеріне қаскүнемдерді ұрлық жасау кезінде ұстауға \ септігін тигізді.
Бұл әскери бөлім Тараздың «СКИФ-ТРЕЙД» ірі сауда орталығының жанында орналасқан және онда тағы да бірнеше дүкендер жұмыс жасайды.
Ағымдағы жылдың екінші наурызында түнгі сағат үш шамасында «Т» жедел мақсаттағы ротасының күзет орнында тұрған қатардағы жауынгерінің назарын «Умид»дүкенінің қоршауына жасырынып жақындаған арбасы бар екі ер адам аударған.
Осы сәтте зиянкестердің бірі жан-жағына қарап, жағдайды бағдарлай бастады, ал екіншісі арбаға бірдеңе салуға кірісті.
Күзет қызметкері бұл туралы «Н» кезекші бөліміндегілерге хабарлаған, ондағы қызметкер «К» тобының қатардағы жауынгерінің көмегімен түнгі қонақтар жаққа бейнекамераны бағыттады. Белгілі болғандай, әскерилердің мазасызданғаны бекер болмады- олардың көз алдында ұрлық оқиғасы орын алды.
Олар бұл туралы Жедел басқару орталығына хабарлап, бірнеше минут ішінде келген кезекші жасақ оқиға орнында қылмыскерлерді құрықтады. Бұрын ұрлық жасағаны үшін сотталған Тараздың екі тұрғыны кінәларын толық мойындады, Айта кетерлігі, ұрылар металл бұйымдарды ұрлауға тырысқан.
Аталған дерек бойынша ҚР ҚК 188-бабымен (ұрлық) сотқа дейінгі тергеу амалдары басталды.
