Үстіміздегі жылдың 20 шілдесі күні су айдындарында балалардың қауіпсіздігін қамтамасыз ету мақсатында Талас өзенінің жағалауында және Тараз қаласында орналасқан «Зербұлақ» демалыс орнында «Су айдындарындағы балалардың қауіпсіздігі» тақырыбында рейдтік шаралар өткізілді.
Аталмыш шара облыстық білім басқармасының бастамасымен білім мекемелерінің еріктілерін жұмылдыру арқылы облыстық Төтенше жағдайлар департаментінің мамандарымен бірлесіп ұйымдастырылды.
Рейдтік шаралар барысында қала тұрғындары мен балаларға су айдындарындағы қауіпсіздік туралы ақпараттық түсіндіру жұмыстары жүргізіліп, жаз маусымында су айдындарындағы қауіпсіздік талаптары туралы жадынамалар таратылды.
Рейд өкілдері тұрғындарды шомылу маусымында қауіпсіздік шараларын сақтау туралы ескертті.
Тиым салынған таныс емес жерлерде суға түспеңіз;
Шомылып жатқанда балаларыңызды су жағалауларында қараусыз қалдырмаңыз;
Суда қауіпті ойындарды ойнауға жол бермеңіз;
Қолдан жасалған бөренелермен, ағаштармен жүзбеңіздер!
Нұрлан ЖАРҚЫНБЕКОВ,
Облыс әкімдігі білім басқармасының бас маманы.
