Ағымдағы жылдың 1-ші жарты жылдығында облыс прокуратурасы тарапынан 319 418 азаматтың құқығы, оның ішінде 52 360 тұлғаның конституциялық құқығы қорғалды. Салық, жер, әкімшілік заңнама, мемлекеттік сатып алулар және монополия салаларында 8 мыңнан астам кәсіпкердің құқығы қалпына келтірілді деп хабарлайды TURANINFO.KZ ақпарат агенттігі хабарлайды.
Агенттік Жамбыл облысы прокуратурасының 2022 жылдың 6 айында атқарған жұмыстары туралы ақпарат беру жайлы сұрау хаттын жауабымен таныстырамыз.
Прокурорлық актілер негізінде жалпы 802 млн. теңге өндірілсе, соның 354 млн. теңгеден астамы мемлекет пайдасына. Сондай-ақ, қадағалау шараларымен құны 2, 3 млрд. теңгені құрайтын мүлік мемлекет меншігіне қайтарылды.
Мысалы, бұрынғы мемлекеттік қызметкер Бақтыбаевпен («Коммуналдық меншік объектілерін жалға беру орталығы» КММ директоры) қызмет бабын пайдалана отырып, жалпы құны 300 млн. теңгені құрайтын 5 мүлікті талан-таражға салу фактісі анықталып, Арнайы прокурорлармен ҚР ҚК 189-бабы 4-бөлігі 2-тармағымен жүргізілген тергеп-тексеру нәтижесінде кінәлі тұлға 9 жылға бас бостандығынан айырылды. Нысандар мемлекет меншігіне прокуратураның талап-арызы негізінде қайтарылды.
Тағы бір мысал, прокурорлық талдаумен Т.Рысқұлов ауданының ТКШ бөлімінің бұрынғы басшысы Дауытбеков мемлекеттік сатып алу саласында 40 млн. теңгеден астам сомаға 39 кәсіпкерге ұзақ уақыт бойы кепілдік жарнаны қайтармағандығы анықталып, тергеп-тексеру қорытындысымен 7 жылға бас бостандығынан айырылды, залал толық өтелді (бұл бағыттағы жұмыстар жалғасуда).
Қадағалаудың басым бағыттарының бірі – жер саласында қадағалау актілері бойынша мемлекеттік жер қорына жалпы құны 144, 4 млн. теңге, ауданы 19444, 3 га. жер учаскелері қайтарылды деп хабарлады Жамбыл облысы прокуратурасы.
