Мәдениет және ақпарат министрлігі заңнамалық деңгейде отбасы саясаты саласындағы уәкілетті органға айналды. Сондай-ақ Министрлік Отбасын қолдау орталықтарының қызметін жүзеге асыру тәртібін үйлестіреді және жұмысын айқындайтын болады. Бұл жайлы ҚР МАМ Жастар және отбасы комитеті төрағасының орынбасары Найла Мұхтарова ОКҚ брифингінде айтып берді.
Бүгінгі таңда отбасыларға түрлі өмірлік жағдайларды шешуде кешенді көмек көрсету үшін 68 отбасын қолдау орталығы жұмыс істейді. 2023-жылы 100 мыңнана астам консултациялар жүзеге асырылды. 2025-2027 жылдар ішінде орталықтардың санын 200-ге жеткізу жоспарда бар.
Орталықтар халықты әлеуметтік қорғау және жұмыспен қамту мәселелері жөніндегі жергілікті атқарушы органдардың жанынан аудандарда және қалалардағы аудандарда жергілікті атқарушы органдардың шешімі бойынша құрылатын болады.
«Орталықтар барлық жүгінген адамдарға (отбасыларға) ерікті және жан-жақты қолдау көрсетеді. Азаматтар Орталықтарға әртүрлі көздер арқылы көмекке жүгіне алады: дербес, «111» байланыс орталығы, әлеуметтік желілер арқылы, МО ақпараттық жүйелері арқылы, сондай-ақ консультациялық-кеңесші органдар және алқалы органдар арқылы жүгінуге құқықтары бар. Заңға сәйкес Орталықтар келесі функцияларды орындайды: өмірлік қиын жағдайға тап болған адамдарды (отбасыларды) қолдаумен қамту жөніндегі жұмысты үйлестіру; мемлекеттік қолдау шараларын алу мәселелері бойынша консультациялар беру, мемлекеттік органдар мен ұйымдардың құзыреті шегінде мемлекеттік қолдау шараларын көрсету үшін тиісті мемлекеттік органдар мен ұйымдарға жіберу; психологиялық, заңгерлік кеңес беру; тұрмыстық зорлық-зомбылықтың профилактикасы жөніндегі шаралар, тұрмыстық зорлық-зомбылық белгілері бар адамдарға (отбасыларға) тиісті ұйымдарға қайта жіберілгенге дейін бір айға дейінгі мерзімге уақытша тұру мүмкіндігімен қысқа мерзімді орналастыруды ұсыну; халық арасында отбасын нығайтуға, оның ішінде отбасын құруға бағытталған оқыту және ағарту іс-шараларын өткізу; ажырасу процестері бойынша кеңес беру; ведомствоаралық өзара іс-қимылды үйлестіру, азаматтарға көмек көрсету үшін әлеуметтік әріптестер мен еріктілерді тарту», – деді спикер.
Отбасын сүйемелдеу жүйесінің негізі отбасына маманды бекіту болады, бұл отбасын көмек пен қолдаудың барлық бағытында сүйемелдеуге, басқа мамандардың жұмысын үйлестіруге мүмкіндік береді. Кейс-менеджменттегі ведомствоаралық өзара іс-қимыл жүйесі негізгі рөлдердің бірін атқаратын болады. Орталықтар өмірлік қиын жағдайға тап болған адамдарды (отбасыларды) ерте анықтау және қолдау көрсетуді ұйымдастыру бойынша мобильді топтардың жұмысын ұйымдастырады. Мобильдік топтардың құрамына халықты әлеуметтік қорғау және жұмыспен қамту басқармаларының үйлестіруімен білім, денсаулық сақтау, ішкі істер органдарының өкілдері кіреді. Орталықтар қызметінің тиімділігін арттыру үшін отбасылық цифрлық карта платформасына және отбасыларға көмек көрсету үшін FSM мобильді қосымшасына қосылу арқылы бизнес-процестерді оңтайландыру жоспарлануда.
