Биылғы жылдың 11 айында «Әлеуметтік медициналық сақтандыру қорына» еліміз бойынша 222,5 млрд-қа жуық қаржы жиналған. Ал Жамбыл облысынан 7,4 млрд. теңгеден астам қаражат аударылыпты. Бұл туралы «Өңірлік коммуникациялар қызметі» алаңында «Әлеуметтік медициналық сақтандыру қоры» КЕАҚ Жамбыл облысы бойынша филиалының директоры Мавлюда Боқаева баяндады.
Спикердің айтуынша, қалалық №7 емханаға тіркелген азаматтар саны — 27 мың. Емханаға осы жылы шамамен 15-20 млн-дай айыппұл салған. Осы 11 айдың ішінде медициналық мекемелерден 497 млн теңге айыппұл ретінде қорға қайтты. Қазіргі таңда облыс тұрғындарынан коронавирустық симптомдар болса, ПЦР тесттерді қанша рет тапсырса да тегін болады.
Қор директорының айту бойынша медициналық сақтандыру қоры үш жылдан бері кепілдендірілген тегін медициналық көмек пакеті шеңберінде көрсетілген қызметтерге ақы төлеп келеді. 1.12.2020 жылы Жамбыл облысы бойынша қос пакет шеңберінде 63 денсаулық сақтау нысанымен 74,5 млрд теңгеге келісімшарт бекіткен. Оның: 31 немесе 49% мемлекеттік, 32 немесе 51% жеке меншік. 2020 жылы бекітілген келісімшарт сомасы өткен жылмен салыстырғанда 22,1 млрд теңгеге артқан.
“Тегін берілетін медициналық көмек үшін ақша төлейтін болса, ол ақшаны біз науқасқа қайтаруымыз керек. Бірақ, ол адам бізге келіп айтуы тиіс, бұндай жағдайлар Байзақ ауданында болған. Ол дұрыс емес, осы жылы қиын кез болды. Телефон арқылы қоңырау шалып, бізге шықса біз ол мәселемен айналысамыз” деді Мавлюда Жапсарбайқызы.
Ақпарат агентігінің «7,4 млрд теңге қайда кетіп жатыр» дегенге сауалға қор басшысы қосымша хатпен жауап береміз деді.
Қордың функцияларының бірі – пациенттердің құқығын қорғау. 2019 жылдың 1-қыркүйегінен бастап Қордың 1406 бірыңғай байланыс орталығы іске қосылып, 2020 жылдың 1-қаңтарынан бастап тәулік бойы жұмыс істей бастады.
