Жамбыл облысының әкімдігінің Ақпараттық және қоғамдық даму басқармасының «Халықтың құқықтық сауаттылығын арттыру және медиациялық қызметтер орталығының жұмысын ұйымдастыру» тапсырмасы аясында, «Жамбыл облысы жастар ұйымдарының Қауымдастығы» заңды тұлғалар бірлестігінің ұйымдастыруымен әлеуметтік осал топтар өкілдері үшін «Қоғамдық келісім мен әлеуметтік тұрақтылыққа медиацияның әсері» тақырыбында Жамбыл облысы әкімдігінің білім басқармасы Балалар мен жасөспірімдердің арнаулы мектебінде мастер-класс өтті.
Мақсаты:
Әлеуметтік осал топтар өкілдерін,қиын жағдайда қалған азаматтардың құқықтық сауаттылықтарын арттыру,ақпаратпен таныстыру, әлеуметтік қолдау және көмек алу жолдарын көрсету, сондай-ақ олардың құқықтарын қорғау мәдениетін қалыптастыру.
Міндеттері:
Әлеуметтік қолдау мен құқықтық қызметтер бойынша қатысушыларды толық әрі нақты мәліметпен қамтамасыз ету;
Заң туралы білімін кеңейту арқылы қоғамдағы жауапты азамат ретіндегі рөлін нығайту.
2025 жылғы 20 қараша күні Жамбыл облысы кәмелетке толмағандардың істері жөніндегі мамандандырылған ауданаралық соты әкімшісінің бас маманы Телемисова Карагоз Сарсембаевнаның қатысуымен өткізілді.
Шара барысында кәмелетке толмағандардың құқықтары, міндеттері және оларды қорғау тетіктері түсіндіріліп, тұрмыстық, тұрмыстық зорлық-зомбылық, буллинг, интернеттегі қауіпсіздік мәселелері талқыланды. Сонымен қатар, қатысушыларға әлеуметтік көмек алу жолдары, мемлекеттік қызметтерді пайдалану мүмкіндіктері және медиация рәсімінің артықшылықтары бойынша кеңестер берілді.
Іс-шара соңында жастар өздерін қызықтырған сұрақтарын қойып, мамандардан нақты жауаптар алды.
