«Рухани жаңғыру» қазақстандық қоғамдық даму институтының Қоғамдық процестерді зерттеу орталығы Ақпарат және қоғамдық даму министрі А.Балаеваның қатысуымен «Қоғамдық кеңестер қызметі туралы Ұлттық баяндама» жобасының сараптамалық талқылауын өткізді. Талқылауға ҚР Ақпарат және қоғамдық даму министрлігінің қызметкерлері, сарапшылар қауымдастығы мен үкіметтік емес ұйымдардың өкілдері, барлық деңгейдегі қоғамдық кеңестердің белсенді мүшелері қатысты.
«Ұлттық баяндама сіз бен біздің ортақ жұмысымыздың нәтижелерін көрсетеді, сондықтан ол қоғамдық кеңестер жұмысының нәтижелері мен талдауын ғана емес, бар мәселелерді және оларды реттеу жөніндегі шараларды да көрсетуі тиіс», — деп атап өтті Аида Ғалымқызы өз сөзінде. Министрдің айтуынша, анықталған мәселелерді шешу үшін әзірленген ұсынымдар жергілікті жерлерде дер кезінде іске асырылуы тиіс. Алғаш рет Ұлттық баяндама ел Президентінің назарына ұсынылады, сондықтан ол сапалы, толыққанды және объективті болуы керек.
Баяндаманы талқылау барысында белгілі саясаттанушылар Андрей Чеботарев, Жұлдызай Ысқақова, Александр Братенковтар өз бақылаулары мен пікірілерін ортаға салды.
«Ұлттық баяндама жобасы республикадағы қоғамдық кеңестер институтының қалыптасуының негізгі кезеңдерін қамтиды, республикалық және жергілікті деңгейде жинақталған жұмыс тәжірибесін сипаттайды», — деді «Альтернатива» өзекті зерттеулер орталығының директоры А.Чеботарев.
Азаматтық қоғам атынан баяндаманың мазмұны жөнінде Бақытгүл Хамбар, Сергей Гуляев, Айдар Амребаев, Гүлнар Құрбанбаева, Марат Бәшімов, Балжан Досмұхамедова, Қайрат Жаңабеков сынды жетекші отандық сарапшылар өз пікірлері мен ұсыныстарын айтты.
Зерттеу жұмысы бүгінгіқалыптасқан саяси жағдайларда жұмыс істейтін тәсілдерді қалыптастыруға мүмкіндік беретін және Қазақстанда азаматтық қоғамды үдемелі дамыту шеңберінде қоғамдық кеңестер институтын жетілдіруге бағытталған проблемалық аймақтарды анықтау мен ұсынымдарды тұжырымдауға, қолда бар тәсілдерді қайта бағамдауға бағытталған.
Естеріңізге сала кетейік, Қоғамдық кеңестер туралы заңнаманың жаңа нормаларына сәйкес, Қоғамдық кеңестердің қызметі туралы Ұлттық баяндаманы дайындау және Мемлекет басшысына енгізу алғаш рет заңнамалық деңгейде бекітілді.
