“АЛҒАШҚЫ МЕДИЦИНАЛЫҚ-САНИТАРЛЫҚ КӨМЕКТЕГІ ИННОВАЦИЯЛАР» Халықаралық конгресі аясында “МСАК-тағы тұрақты өзгерістерді жеделдетудің негізгі аспектілері» тақырыбы бойынша интерактивті панельдік талқылау өтті
Қазақстан Республикасының Денсаулық сақтау министрі Ажар Ғинияттың құттықтауынан басталды. Оған онлайн форматта Литва, Тәжікстан өкілдері қосылды.
Панельдік пікірталасқа 4 елден 7 панелист қатысты: Мамытова Бақтығүл Көштарбекқызы ханым, Шу облысының Денсаулық сақтау үйлестірушісі(Қырғыз Республикасы), Облыстық Шу ОӘБ бас дәрігері Юрга Дуден, Отбасылық дәрігер, Литва отбасылық дәрігерлерінің кәсіби қауымдастығының Кеңес мүшесі Манонов Олимджон, Абеуова Жәмила Санаққызы, «Еңбекшіқазақ көпсалалы ауданаралық ауруханасы» ШЖҚ КМК директоры, Арнольдас Юргутис — еуропалық ДДҰ МСАК орталығының басшысы. Жамбыл облысы әкімдігі денсаулық сақтау басқармасының басшысы Жанар Оспанованың медициналық-санитарлық көмектегі инновациялар туралы тәжірибелік пікірінен соң, Меркі аудандық орталық ауруханасының үздік тәжірибе жұмысы жөнінде қысқаша мәліметтер берілді.
Қазақстан бойынша Меркі аудандық ауруханасының үздік тәжірибелер орталығы — құрылымында жобалық кеңсесі бар жалғыз орталық болып табылады. Бұл халыққа медициналық-әлеуметтік көмек көрсету сапасын жақсартуға бағытталған бастамалар мен әлеуметтік маңызы бар жобаларды іске асыру жөніндегі сектораралық және ведомствоаралық алаң. Бүгінгі таңда , “Салауатты ауыл”, «Ұшқын» жастар денсаулық орталығы, 11 денсаулық мектебі, “ұзақ өмір сүру”, “дұрыс тамақтану” және “семіздіктің алдын алу”, МИОМОС, “алғашқы 5 минут” жобалары жүргізілуде.
Сондай-ақ, мұнда мультидисциплинарлық топтар құрылған, шұғыл көмек көрсету бойынша тренингтік орталықтар ұйымдастырылған. Онда медициналық персоналды оқытудан басқа, бейбіт тұрғындар мен басқа ведомстволардың қызметкерлері — патрульдік машиналардың жүргізушілері, полицейлер, такси жүргізушілері даярланады.
Тренинг орталығы барлық қажетті медициналық техникамен және медициналық мақсаттағы бұйымдармен, қосымша құралдармен және стендтермен жабдықталған. Сонымен қатар, офтальмолог, ЛОР дәрігері, хирург, стоматолог, акушер-гинеколог, зертханашы, терапевт үшін жаңа медициналық жабдықтармен жабдықталған жылжымалы медициналық кешен де бар. Ол мамандандырылған медициналық көмекті шалғайдағы тұрғындарға жақындатуға мүмкіндік береді. Айта кету керек, ауруларды басқару бағдарламасының жұмысы тиімді жолға қойылған: артериялық гипертензия, созылмалы жүрек жеткіліксіздігі және қант диабеті, үйде маманға барудың әмбебап прогрессивті моделі және шұғыл медициналық көмек көрсету жүйесі. Осындай жұмыстарды баса көрсеткен Жанар Мықтыбекқызына ҚР Денсаулық сақтау министрі алғыс білдіре отырып, алдағы уақытта Жамбыл облысының алғашқы медициналық-санитарлық көмек бойынша жұмысын алдағы уақытта Қазақстанға енгізу жөнінде айтты.
