Жамбыл облысы әкімдігінде қызмет атқаратын мемлекеттік қызметкер әлеуметтік желідегі пікірі үшін тәртіптік жазаға тартылды, — деп хабарлайды «TURANINFO.KZ» ақпараттық агенттігі ҚР Мемлекеттік қызмет істері және сыбайлас жемқорлыққа қарсы іс-қимыла агенттігінің Жамбыл облысы бойынша Департаментіне сілтеме жасап.
— «Жамбыл облысы әкімдігі басқармасының бөлім басшысы фэйсбук әлеуметтік желісі арқылы жеке адамның ар-намыс ожданына нұқсан келетін сөздер жазып «Қазақстан Республикасы мемлекеттік қызметшілерінің әдеп кодексіне» қайшы әрекет жасалынғандығы анықталды. Мүдделі мекеме басшысына жазаға тарту ұсыным жіберіліп, мемлекеттік қызметкерді тәртіптік жазаға тартылды. Сондықтан да мемлекеттік қызметшілер әлеуметтік желі де отырған да әдеп нормаларын бұзбауларын және бұзған жағдайда тәртіптік жазаға тартылатындығын айтқымыз келеді» — деп мәлімдеді агенттігі ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша Департаментінің бас маманы Гүлназ Бақытжанқызы.
Айта кетерлігі, 2018 жылдың 1 тоқсанында әдеп жөніндегі кеңестің ұсыныстары негізінде 7 мемлекеттік кызметші әдеп нормаларын бұзғаны үшін тәртіптік жауапкершілікке тартылды
