Ағымдағы жылдың 5 сәуірінде Талас ауданы Тамды ауылдық округінің әкімшілік ғимаратында жұмыс уақытында қызметкерлер өз орындарында жоқ болып шықты. Бұл оқиғаға өзіміз куәгер болып қайттық. Түскі үзілістен соң қызметкерлердің болмауы былай тұрсын, ғимараттың есігін ашу мүмкін болмай, тұрғындар күзетшіні таба алмай әлекке түсті. Жұмыс уақытында ауыл әкімінің қайда болғаны тағы да белгісіз. Әкімшіліктің жас маманы мемлекеттік қызметкер Әсел Иманбердиева басшысының аудан орталығында жиналыстарда болуы мүмкін екендігін алға тартты. Есігі кілттеніп, жұмысына кірісе алмай тұрған маманның бұлай әбігерге түсуіне кім кінәлі? Жалпы мемлекеттік қызметкер жұмыс уақытында неліктен сыртта жүр? Ауылды жерлердегі әкімшіліктердің барлығында осындай бассыздықтар орын ала ма? Әлде біз куә болған бұл оқиға кездейсоқтық па? Осы оқиғаға байланысты біз мемлекеттік қызмет істері және сыбайлас жемқорлыққа қарсы іс-қимыл агенттігі облыстық департаментінің басшысы Мақсұт Нәлібаевтың пікірін білдік.
— Бұл оқиғаға қатысты әлеуметтік желідегі видеоны көрдім. Әлбетте қисынсыз жағдай. Бұған байланысты арнайы комиссия құрылып, Тамды ауылдық округінің әкімшіліне зерделеу жұмыстары жүргізіледі.
Қорытындылай келе қоғам белсенділері осындай бақылау жұмыстарын жиі жүргізіп, халық қызметін тұтынатын мемлекеттік органдардағы жағдайға жіті назар аударатынын жеткіземіз.
https://www.facebook.com/islambek.dastan/videos/1621560247893179/
TURANINFO.KZ
