Жамбыл облысының әкімдігінің ақпараттық және қоғамдық даму басқармасының«Халықтың құқықтық сауаттылығын арттыру және медиациялық қызметтер орталығының жұмысын ұйымдастыру» тапсырысы аясында, “Жамбыл облысы жастар ұйымдарының Қауымдастығы” заңды тұлғалар бірлестігі мен 2025 жылы 13 қараша күні Жамбыл ауданындағы, Айша бибі орта мектебінде “Медиация заңнамасын жетілдірудің өзекті мәселесі ” тақырыбындамұғалімдер арасында кездесу ұйымдастырылды.
Мақсаты:
Медиация институтының қоғамдағы рөлін көрсету, дауларды бейбіт жолмен шешу мәдениетін дамыту және адамдар арасындағы түсіністік пен сенімді нығайту.
Міндеттері:
1.Медиацияның мәні мен маңызын таныстыру;
2.Қоғамда дау-дамайларды шешудің бейбіт жолдарын насихаттау;
3.Қатысушыларға келіссөз жүргізу және қарым-қатынас мәдениетін үйрету;
4.Қоғамдағы татулық пен өзара құрмет құндылықтарын дамыту;
5.Медиация арқылы адамдардың құқықтық сауаттылығын арттыру.
“Жамбыл облысы Азаматтық Альянсы” заңды тұлғалар бірлестігінің басқарма төрағасы Исламбек Дастанұлы кездесу өткізді
Кездесу барысында медиацияның маңыздылығын атап өтіп, мұғалімдерге дауларды сабырлылықпен, өзара құрметпен шешудің әдістерін түсіндірді. Ол медиацияның тек оқушылар арасындағы қақтығыстарды реттеуге емес, сонымен бірге мектептегі түсіністік пен ынтымақтастық мәдениетін қалыптастыруға бағытталғанын айтты.Сондай –ақ педагогтарды әр жағдайға әділ қарап, оқушыларды тыңдап, ортақ шешімге жетуге үйретуге шақырды. Кездесу барысында қатысушылар практикалық кеңестер алып, медиацияны күнделікті жұмыс тәжірибесінде қолданудың маңыздылығын түсінді.
Медиацияны меңгеру арқылы тұлғаның жауапкершілік деңгейі артып, өз көзқарасын мәдениетті түрде білдіруге және өзгелердің пікірін құрметтеуге үйренетіні айтылды. Кездесу барысында айтылған ойлар мұғалімдерге терең әсер қалдырып, бейбіт келісім мен өзара түсіністіктің қоғамдағы орны туралы түсініктерін кеңейтті.
Қорытындылай келе , кездесу мұғалімдерге медиацияның маңыздылығын көрсетіп, мектептегі түсіністік пен келісімді арттыруға сеп болды.
