Жамбыл облысының әкімдігінің ақпараттық және қоғамдық даму басқармасының «Халықтың құқықтық сауаттылығын арттыру және медиациялық қызметтер орталығының жұмысын ұйымдастыру» тапсырысы аясында “Жамбыл облысы жастар ұйымдарының Қауымдастығы” заңды тұлғалар бірлестігі мен 2025 жылы 14 қараша күні Т.Рысқұлов ауданындағы ,Құлан ауылы №1 мектеп – лицейінде «Медиация қоғамдық келісім мен ұлыттық бірлікті қамтамасыз етуші тетік» тақырыбында құқықтық қызметтерге байланысты еркін форматта мұғалімдер арасында кездесу өткізілді.
Іс-шараның мақсаты:
Мұғалімдер арасында медиацияның мәнін түсіндіру, дау-жанжалдарды бейбіт жолмен шешудің әдістерін көрсету және мектептегі түсіністік пен ынтымақтастық мәдениетін дамыту.
Міндеттер
1.Мұғалімдерге медиацияның негізгі қағидалары мен артықшылықтарын таныстыру.
2.Оқушылар арасындағы қақтығыстарды бейбіт жолмен шешу жолдарын көрсету.
3.Сабырлылық, өзара сыйластық және келісім мәдениетін қалыптастыру бойынша практикалық кеңестер беру.
Кездесу барысында «Жамбыл облысы Азаматтық Альянсы» ЗТБ басшысы, заң ғылымдарының магистрі — Дастан Исламбек Дастанұлы сөз сөйледі
Іс- шара қатысушылармен сәлемдесіп ,кездесудің негізгі мақсаттарын таныстырып өтті.Сондай -ақ кездесу барысында медиацияның маңыздылығын атап өтіп, мұғалімдерге дауларды сабырлылықпен, өзара құрметпен шешудің әдістерін түсіндірді. Ол медиацияның тек оқушылар арасындағы қақтығыстарды реттеуге емес, сонымен бірге мектептегі түсіністік пен ынтымақтастық мәдениетін қалыптастыруға бағытталғанын айтты.
Сондай –ақ педагогтарды әр жағдайға әділ қарап, оқушыларды тыңдап, ортақ шешімге жетуге үйретуге шақырды. Кездесу барысында қатысушылар практикалық кеңестер алып, медиацияны күнделікті жұмыс тәжірибесінде қолданудың маңыздылығын түсінді.
Қорытындылай келе , кездесу мұғалімдерге медиацияның маңыздылығын көрсетіп, мектептегі түсіністік пен келісімді арттыруға сеп болды.
