Бүгін «Баласағұн» мәдениет сарайында «Төртінші өнеркәсіптік революция жағдайындағы адами капитал» атты тамыз конференциясы өтті. Конференцияға облыс әкімі Асқар Мырзахметов, сенат депутаты Абдалы Нұралиев және білім беру мекемелерінің басшылары мен ұстаздары қатысты.
— Колледждердің жобалық қуаттылығы 31906 орын (оның ішінде мемлекеттік колледждерде 18433 орын, жеке меншікте 13473 орын).
Орын тапшылығы Жамбыл политехникалық жоғары колледжінде 279 орынды құрайды. Осыған орай биылғы жылы 155 орынға мемлекеттік тапсырыс кем берілді (өткен жылы 750 орын болса, биылғы жылы 595 орын бөлінген). Профицит 10 мемлекеттік колледжде бар (3257 орынды құрайды). Сондықтан колледждерді бейіндеу, қайталанатын, сұраныс жоқ мамандықтарды қысқарту жұмыстары жалғасатын болады. Техникалық және кәсіптік білім беру мекемелерінің 22 инженер – педагогтары Чехия, Малайзия, Финляндия, Ұлыбритания елдерінде біліктілік арттыру курстарынан өтті — деп мәлімдеді облыс әкімдігінің білім басқармасының басшысы Рахия Сейтбекқызы.
Айта кетерлігі, Білім саласының соңғы нәтижелерінің көрсеткішіне тоқталатын болсақ үздік диплом алған түлектердің үлесі 6,9 пайыз. Бұл республикалық көрсеткіштен 2,6 пайызға төмен. Аккредитациядан өткен колледждер үлесі бойынша да бәрінен төмен.
