Заңды белшене басқан кәсіпкерге ешкімнің әлі келмеуде, соттың шешімін пысқырмайды да, сот орындаушының қаулысы көп қағаздың бірі, Парламенттен бастап Бас прокуратурғаға дейін шағым білдірсе де бәрінен тек “отписка” келуде деп жанайқайын жеткізді тараздық кәсіпкер Дания Кішкенебаева
TURANINF0.kz тілшісіне Тараз қаласында медициналық орталықтың басшысы, дәрігер, кәсіпкер Дания Кішкенебаева хабарласып, он жылға жуық қағазбастылықпен айналысып жүрген шенеуніктердің әрекеттерін айтып, заңсыз әрекеттерін әшкере етті.
НЕ БОЛДЫ?
Тараз қалалық жер комиссиясы шешімімен “ПИКО” ЖШС қаланың орталық көше болып есептелетін “қызыл сызыққа” қарамастан Қазыбек би мен Желтоқсан көшелерінің қиылысына сауда павильондарын бір жылға уақытша орналастыруға рұқсат алған. Павильон тұрғанына биыл он жыл болды. Жеңіл конструкциялы заттардан тұрғызылу қажет ғимаратты “ПИКО” ЖШС рұқсат беретін мемлекеттік органдарды ескертпей ауыр монолитті бетоннан тұрғызған. Қалалық сәулет және қала құрылысы бөлімінің топографиялық түсірілімінде күрделі құрылыс ретінде “қызыл сызықта” тұрғызылған.
Жоғары да аталған жер телімін пайдалану 30.01.2014 жылы жер комиссиясы шешімімен ұзартып беріліп, 20.07.2015 жылы Тараз қаласы прокурорының ұсыну орындау үшін қалалық жер комиссиясы 2014 жылғы хаттама күшін жоюға шешім шығарды.
АНЫҚТАМА. ҚЫЗЫЛ СЫЗЫҚ — елдi мекендердi жоспарлау құрылымындағы кварталдардың, шағын аудандардың, өзге элементтердiң аумағын көшеден (жолдардан, алаңдардан) бөлiп тұратын шекара. Әдетте қызыл сызық құрылыс салу шекарасын реттеу үшiн қолданылады.
СОТ не дейді?
Жамбыл облыстық мамандандырылған экономикалық сотының судьясы З.Габоеваның шешімімен “ПИКО” ЖШС өз қаражатына Тараз қаласы Желтоқсан көшесі 86 а мекен жайында орналасқан сауда павильондарын жалпы көлемі 0,0670 га, оның ішінде 0,0058 га жүріс бөлігінің сервитутында мемлекетке жер телімі қайтарылып, павильонды серіктес есебінен бұзылсын деген шешім 19 қараша 2015 жылы шыққан.
2016 жылы қаңтар айында Жамбыл облыстық судьялар алқасы 19 қараша 2015 жылғы Жамбыл облыстық мамандандырылған экономикалық сотының шешімін өзгеріссіз қалдырылсын деген шешім шығарды.
Анықтама. Сервитут міндеткерлік (латынша сервітұс — міндет, міндеттеме, міндеткерлік), — 1) бөтен біреудің мүлкін белгілі бір шекте заңмен немесе шартпен бекітілген пайдалану құқығы (мысалы біреуге тиесілі жер телімі арқылы жүріп өту немесе көлікпен өту құқығы) немесе біреудің меншік құқықтарын шектеу (мысалы көрші телімге көлеңке түсіруі мүмкін құрылыстарды салуға тыйым салу; әкімшілік сервитут жеке меншіктегі жер телімдерінде инфрақұрылымдық желілерді тартуға мемлекеттің құқығы болып табылады);
Сот шешімі орындалусыз қалуда
Сот шешімі орындалмай жатқандығы туралы “Тайм инвест” ЖШС, “Мухамеджанов” ЖК, “Звездочка” ЖК, “Институт красоты Идеал” ЖШС орта және шағын кәсіпкерлік өкілдері Бас прокурор болған кезінде Жақып Асановқа өтініш жіберсе де, Парламент Мәжілісі төрағасы Нұрлан Нығматуллинге, Жамбыл облыстық прокурорларынан хат жазылса да еш нәтижесіз. Түрлі құзырлы органдардан тек “отписка” ғана келеді. Нақты ешкім айналысқысы келмейді дейді кәсіпкер Дания Ертайқызы.
Кәсіпкердің айтуынша мыңдаған сот орындаушыларының қаулылары бар, қала әкімінің бірнеше орынбасарлары, жер қатынастары комитетінің басшылары мен заң бөлімдерінің басшылары қызметінен босатылды, бірақ әлі нәтиже жоқ! Осы қаңырап бос тұрған ғимараттар қаланың қақ ортасындағы қоғамдық дәретханаға айналып әлі тұр. Бұл ғимараттар бір кездері біздің келісімімізсіз салынып, Қазыбек бидің бас көшесін көруге мүмкіндік бермей тұрған. Осыдан 10 жыл бұрын облыстық прокуратурада өткен кезекті мәжілісте қадағалаушы органның бір қызметкері сыртта бізге «500 мың теңге беріңдер, мына ғимараттарды бір аптаның ішінде бұзамыз» деп ұсыныс жасаған. Ондаған жылдар бойы жүріп, бюрократиялық және жемқор шенеуніктердің табалдырығын аттасақта, ештеңеге қол жеткізе алмадық. Прокурордың айтқаны дұрыс болып шықты. Кезінде Кәсіпкерлер палатасына өтініш болған, бірақ олар да бұрын дәрменсіз болып шықты. Бюрократиялық диірмен тастары. Оларды кім бұзу керек осы уақытқа дейін біз білмейміз. Бұл мәселе бойынша қайда хабарласу керек екенін ешкім білмейді дейді Дания Кішкенебаева.
Соттың шешімдері шықса да, қызыл сызықта тұрсад шенеуніктер неге қауқарсыз? Әлде, прокурор айтқаны тура келіп тұрғанының дәлелі ме?
