Жуырда этносаралық қатынастар саласындағы мемлекеттік саясатты іске асыру мақсатында Жамбыл облысы ҚХА мүшелері және этномәдени бірлестік төрағалары, ҚХА құрылымдары облыс әкімі аппаратының басшысы, өңірлік ҚХА төрағасының орынбасары Лесбек Илебаевпен кездесті. Кездесуде этномәдени бірлестік өкілдерінің өзекті мәселелері талқыланып, ұсыныстар айтылды.
Ақпан айында этномәдени бірлестіктер мен облыстық ҚХА құрылымдарының өкілдері Достық үйінде ҚР Президенті Әкімшілігінің ҚХА Хатшылығы меңгерушісінің орынбасары Ғ. Махан және ҚХА Төрағасының орынбасары А. Исмаилов кездесу өткізілді.
15 наурызда Достық үйінде Жамбыл облысы әкімі аппаратының басшысы Лесбек Ілебаевтың төрағалығымен облыстық ҚХА Кеңесінің отырысы өтті. Жиынға ҚХА мүшелері, ІСБ өкілдері, этномәдени бірлестіктер мен облыстық ҚХА құрылымдарының төрағалары, «Қоғамдық келісім» мекемесінің қызметкерлері қатысты. Кеңесте ҚХА кеңесінің жаңа құрамын бекіту, ҚХА төрағасының Қоғамдық орынбасарының жұмыс мерзімін өзгерту мәселелері талқыланды.
Наурыз айында өзбек, тәжік, ұйғыр, қырғыз, поляк, қарашай-балқар, татар этномәдени бірлестіктерінің төрағалары Тараз қаласындағы білім беру орындарында оқушылармен, колледждерде, кітапханаларда студенттермен кездесу өткізіп, ҚХА жұмысы және оның мақсат-міндеттері, бірлік пен келісімді нығайтудың қаншалықты маңызды екендігін түсіндіріп, этносаралық қатынастар саласындағы мемлекеттік саясатты іске асыру жұмыстарын жүргізді.
Жамбыл облыстық Ш.Уалиханов атындагы әмбебап ғылыми кітапханасы ұйымдастыруы және өңірлік ҚХА мүшелері, этномәдени бірлестік өкілдерінің қатысуымен «Армысың, әз-Наурыз» әдеби-қоғамдық этноауыл іс-шарасы іске асырылды. Жобаның өткізудегі мақсат — этносаралық қатынас, бейбітшілік пен келісім, жалпықазақстандық бірегейлікті нығайту. Сонымен қатар, неміс, орыс, поляк этномәдени бірлестіктері Пасха мерекесін атап өтті.
Сәуір айында облыстық этномәдени бірлестіктер «Таза Қазақстан» республикалық акциясы ұйымдастырылған «Таза аула! Таза өлке! Таза ел!» экологиялық шарасына қатысып, Ы.Дүкенұлы атындағы қалалық мәдениет үйінің аумағына қара ағаш, ерен (ясень), бүрлі (туя) ағаштарын отырғызды.
Өзбек этномәдени бірлестігі «Сумаляк-Наурыз» атауымен Наурыз мерекесін атап өтті. Мерекелік жиында өзбек ұлтының бесікке салу, беташар секілді дәстүрлері дәріптеліп, ұлттық құндылықтары ұлықталды және бидай дәнінен сумаляк әзірленіп, қонақтарға ұсынылды.
Достық үйінде неміс этномәдени бірлестігі «Wer weis den sowas?» атты зияткерлік ойынын ұйымдастырды. Қатысушылар ойыннан логикалық ойды арттырып, неміс тіліндегі пайдалы мәліметтермен кеңінен таныса алады. Сайысқа неміс этносының белсенділерінен 8 команда қатысып, 1-ші команда жеңіске жетті.
Мақала Жамбыл облысы әкімдігі ішкі саясат басқармасының ақпараттық саясаты тапсырысы негізінде жарияланды
