Жамбыл облыстық сотының азаматтық істер жөніндегі сот алқасының төрағасы Рүстембеков Жомарт, Жамбыл облыстық сотының қылмыстық істер жөніндегі сот алқасының төрағасы Абидов Нұрмұхаммат және Жамбыл облыстық сотының әкімшілік істер жөніндегі сот алқасының төрағасы Нұрлыбаева Динара ӨКҚ алаңында “Сот төрелігін жүзеге асыру бойынша атқарылған жұмыстар туралы» брифинг өткізді.
Жамбыл облыстық сотының судьялары «Өңірлік коммуникациялар қызметі» алаңында облыс соттарының 2024 жылғы сот төрелігін жүзеге асыру қорытындылары туралы брифинг өткізді.
Брифингте азаматтық істер жөніндегі сот алқасының төрағасы Жомарт Рүстембеков, қылмыстық істер жөніндегі сот алқасының төрағасы Нұрмұхаммат Абидов және әкімшілік істер жөніндегі сот алқасының төрағасы Динара Нұрлыбаева сөз сөйледі.
Өзінің сөзін Ж.Рүстембеков маңызды бағыттардың бірі – заң үстемдігін қамтамасыз ету, азаматтардың құқықтарын қорғауға мен сот төрелігіне деген сенімін арттыруға бағытталған сот жүйесінде жүргізіліп жатқан реформалардан бастады.
Спикер сондай-ақ азаматтық істер бойынша сандық көрсеткіштерге тоқталып, 2024 жылдың 12 айында облыс соттарымен 21 277 азаматтық іс өндірісімен аяқталғанын, оның ішінде 12 005 іс бойынша шешім шығарылғанын айтты. 13 304 медиабелді азаматтық істердің 5 763 азаматтық іс бойынша бітімгершілік рәсімдері қолданылған. 3 605-і татуластыру рәсімдерін қолданумен аяқталғанын көрсетті.
Қылмыстық істердің қаралу нәтижесі туралы айтқан Н.Абидов, соңғы жылдары соттармен қаралған істер санының азаюы байқалатынын атап өтті. Мәселен, 2024 жылы 1461 адамға қатысты 1220 қылмыстық іс үкім шығарумен қаралған.
Сондай-ақ спикер өз баяндамасында, алқабилер сотымен қаралуға жататын істер бойынша енгізілген өзгерістерге толығырақ тоқталып өтті.
Қазіргі уақытта алқабилердің қатысуымен қаралуға жататын істердің тізбесі кеңейтілгенін айта отырып, 16 қылмыстық іс алқабилердің қатысуымен қаралса, өткен жылы олардың саны 8 болғанын хабарлады.
Өз баяндамасымен Д.Нұрлыбаева әлемнің көптеген елдерінде бұрыннан жұмыс істейтін — әкімшілік әділет институты құқықтық мемлекеттің маңызды атрибуты, мемлекеттік органдардың заңсыз әрекеттерінен азаматтардың құқықтары мен бостандықтарын қорғауға кепілдік беретін «халық үніне құлақ асатын мемлекеттің» күшті тірегі болып табылатынын атап өтті.
Әкімшілік әділет аясында 2024 жылы соттарға 1090 әкімшілік іс түсіп, оның ішінде 954 қаралған.
Спикер әкімшілік істерді қарау барысында судьялармен азаматтар мен бизнес субъектілерінің сотқа шағымдары мен өтініштеріне негіз болған лауазымды адамдардың, әкімшілік органдардың жүйелі проблемалары анықталғанын атап өтті.
Әкімшілік органдар мен лауазымды тұлғалардың атына 2024 жылы 50 жеке ұйғарым (ЖАО: қала және аудандар, ауылдық округтер әкімдері-5, олардың қарамағындағы ұйымдар-21; ОМО: 9; ЖСО-8, Жамбыл облысы бойынша Азаматтарға арналған үкімет: 4; Прокурорға-3) шығарылған.
Брифинг барысында сот жүйесінің өкілдері журналистерді қызықтырған сұрақтарға жауап берді.
Өңірлік коммуникациялар қызметі
