Мемлекет басшысының төрағалығымен өткен Үкіметтің кеңейтілген отырысы
Президент Премьер-министрдің баяндамасын тыңдады.
Экономика және қаржы
🔹 Олжас Бектенов Мемлекет басшысына экономиканың өсуі және бюджет тапшылығын қысқарту жөніндегі жоспарлар туралы баяндады.
🔹 Шетелдік капитал ағыны $58 млрд-тан асты. Инвесторларды қорғау үшін прокурорлық қадағалау күшейтіліп, «жасыл дәліз» іске қосылды.
Бизнесті қолдау
🔹 «Іскер Аймақ» бағдарламасы және жабдықтарды кепілсіз жаңартудың жылдам механизмі іске қосылуда.
🔹 Бір жылда 200-ден астам жаңа зауыт пайдалануға берілді. АЭА мен ИА-ларды инфрақұрылыммен толық қамтамасыз ету үшін 1 трлн теңге бөлінеді.
Инфрақұрылым және көлік
🔹 Үкімет 11 мың шақырым жолды жаңғыртуда. Астана әуежайының өткізу қабілеті 40 млн жолаушыға дейін өседі.
🔹 Елімізде энергия қуатының тапшылығы 29%-ға төмендеді. 2029 жылға қарай электр энергиясын өндіру 39 млрд кВт/сағатқа артады.
АӨК және су ресурстары
🔹 Терең өңдеуге арналған субсидиялар 50%-ға дейін өсті, сондай-ақ мал шаруашылығын жеңілдетілген қолдау және шаруалардың балаларына арналған гранттар енгізілуде.
🔹 Арналарды жаңғырту жұмыстары мен технологиялардың арқасында 847 млн текше метр су үнемделді.
Әлеуметтік сала
🔹 Президенттің тапсырмалары шеңберінде нақты жалақыны ЖІӨ-нің 40%-на дейін жедел өсіру үшін жағдай жасалуда.
🔹 Цифрландыру және әлеуметтік көмектің тиімділігі есебінен 288 млрд теңгені тиімсіз пайдалануға жол берілмеді.
🔹 Олжас Бектенов: «Конституциялық реформа еліміздің әлеуетін нығайтып, ауқымды жаңғыртулардың сапасын арттыратыны анық».
🔹 Премьер-министр Мемлекет басшысының Үкіметтің кеңейтілген отырысында берген тапсырмаларын жүзеге асыру мәселелері бойынша кеңес өткізді.
🔸 Премьер-министрдің орынбасарлары
Премьер-министрдің орынбасары – ұлттық экономика министрі Серік Жұманғарин Дүниежүзілік банк тобының өкілдерімен әріптестіктің жаңа негіздемелік стратегиясы бойынша келіссөздер, сондай-ақ шекара маңындағы авто өткізу пункттерінің өткізу қабілетін арттыру мәселелері бойынша жиын өткізді.
Премьер-министрдің орынбасары – мәдениет және ақпарат министрі Аида Балаеваның төрағалығымен Қостанай облысының әлеуметтік саласын дамыту мәселесі және қызылша бойынша ағымдағы эпидемиологиялық ахуал қаралды.
