Журналист, жазушы, Халықаралық ақпараттандыру академиясының академигі Бекен Нұрахметов «Көңілдегі кейіпкер», «Қорқаулар түнде жортады» кітаптары арқылы көзі қарақты оқырманға кеңінен танымал. Кеден қызметінің полковнигі кеден ісі жөніндегі оқу құралдарының да авторы.
Жуырда «Атамұра» баспасынан сиясы кеппей оқырманға жол тартқан «Менің тағдырымдағы адамдар» атты кітабы осы сөзіміздің айқын дәлелі. Кеден саласында қызмет атқара жүріп, қаламын тастамаған автордың аталмыш эсселер жинағында оқырман қауымға ой салатын, көңіл пернесін қозғайтын штрихтар өте көп. Қилы-қилы тағдыр иелері жөніндегі фактілердің бәрі нақтылы өмірден алынған. «Димаш аға – қимас аға», «Тұма суы әрдайым тұнық болады» атты эсселерінде танымал мемлекет қайраткерлері Дінмұхамед Қонаев пен Кәкімжан Қазыбаевтың азаматтық бейнелерін сомдайды. Әрбір эссе көңіл толқытарлық жеңіл стильмен жазылады. Сонысымен де боямасыз өмір суреттері көз алдыңыздан өтіп жатады әрі кітап жеңіл оқылады.
Кітап осы сілтемеде тазаНұрахметов Б. Менің тағдырымдағы адамдар
