Әлеуметтік желі арқылы бұқара халықпен кері байланыс орнату бүгінгі таңда мемлекеттік қызметшілердің жұмысын айқындайтын негізгі көрсеткішке айналып отыр. Жүктелген міндетті Жамбыл облысы әкімдігіне қарасты басқарма басшылары қалай атқаруда? Өздерінің фэйсбук аккаунттарында қойылған сұрақтарға жауап беріп, ақпарат беру жиіліктерін, сапасын саралап көрдік. Нәтижесін төмедегі мәліметтен көре аласыздар.
Облысымызда 24 басқарма бар. Сонымен аутсайдерлер қатарына басшысы жоқ басқармалар енді. Олар: Жердің пайдалануы мен қорғалуын бақылау басқармасы, Сәулет және қала құрылысы басқармасы, Тілдерді дамыту басқармасы, Кәсіпкерлік және индустриялды-инновациялық дамыту басқармасы, 20 орында Мемлекеттік сәулет-құрылыс бақылауы басқармасының басшысы Қанат Айтқұлов, 19 орында Еңбек кодексі бұзылған кезде тексеретін мекеме, Сарысу ауданынан ауысып келген Еңбек инспекциясы басқармасының басшысы Балабек Нарбаев, 18 орында Ветеринария басқармасының басшысы Оспан Бердияров, 17 орында энергетика және тұрғын үй-коммуналдық шаруашылық басқармасының басшысы Нұрлан Алдамжаров, 16 орында табиғи ресурстар және табиғат пайдалануды реттеу басқармасының басшысы Нұржан Нұржігітов, 15 орында экономика және бюджеттік жоспарлау басқармасының басшысы Гүлдана Жауынбекова, 14 орында Қаржы басқармасының басшысы Роза Исаева, 13 орында Құрылыс басқармасының басшысы Жайықбай Шалдаров, 12 орында жер қатынастары басқармасының басшысы Бақтияр Көпбосынов, 11 орында ауыл шаруашылығы басқармасының басшысы Берік Нығмашев, 10 орында дін істер басқармасының басшысы Жангелді Омаров, 9 орында дене шынықтыру және спорт басқармасының басшысы Нұрбол Жүнісбеков, 8 орында мәдениет, архивтер және құжаттама басқармасының басшысы Дүйсенәлі Бықыбаев, 7 орында туризм басқармасының басшысы Қарлығаш Аралбекова, 6 орында жолаушылар көлігі және автомобиль жолдары басқармасының басшысы Бақытжан Жәнібеков.
5 орында. Осы жолы барлық «тәтті кәмпиттер» осы басқармаға түсуде. Расында «Қара пиарда пиар» болып саналатынын білсек. Соның нәтижесін көріп отырмыз. Осы қызметке дейін бұл кісіні тек аппарат қызметшілері ғана танитын. Ал қазір, фэйсбук арқылы біраз елдер біліп, танып қалды. Бұл орынға әкесі ширек ғасыр аудандық газетті басқарған кісінің ұлы Мәди Мәтен жайғасты. Жастар саясаты мәселелері басқармасы басшысына жыл басынан бері өте көп сыни пікір айтылған болатын. Соның нәтижесі болар жұртшылықпен кері байланыс орнатып, өткізілетін іс шаралар туралы ақпаратпен бөлісіп отырады.
4 орында «ақ халатты абзал жандардың бас дәрігері» денсаулық сақтау басқармасының басшысы Марат Жұманқұлов. Марат Сейітбекұлының өз ісіне жауаптылығының бір көрінісі «Мыңбұлақ» мөлтек ауданында болған жарылыстан кейінгі «оперативті қимылы», әсіресе 24 сағат ұялы телефонын көтеріп жауап беруге дайын екендігіне көзіміз жетті.
3 орында. Облыс әкімі аппарытында бас маманнан бастап, аппарат басшысының орынбасарына жетіп, ендігі салалық жұмыспен қамтуды үйлестіру және әлеуметтік бағдарламалар басқармасының басшысы Тимуржан Нұрымбетов орналасты. Көп балалы аналарға және атаулы әлеуметтік көмек бойынша сұрақтарға, Ұлы Отан соғыс ардагерлеріне берілетін жәрдемақы туралы даурықпа сөздерге тез арада жауап беріп отырды.
2 орында. Қызметтегі сатылы лифттен өткен, қаншама жылдар бойы сол басқармада орынбасар қызметтін атқарып, үш басқарма басшысын өткерген ішкі саясат басқарма басшысы Дауыл Бейсенқұлов тұрақтады. Ішкі саяси ахуалды зерделеу, бақылау, функционалды міндеттері жүктелгендіктен фэйсбук желісі арқылы қоғамдағы көтерілген мәселелер қадағалауда ұстап мүдделі мемлекеттік органдарға жолдап отырған басшы.
1 орында. Өзінің жеке ұялы телефон нөмерін наразы ата-аналарға, мұғалімдерге қорықпай айтып, жазып жүрген білім басқармасының басшысы Рахия Тұрмаханбетова. Білім саласы өте ауқымды екенін, сынға да өте көп ұшырайтындығын білеміз. Мұғалімдерден, ата-аналардан ақша жинау, мектептің «ремонты» деп жинау тыйым салынғандығы туралы өзінің фэйсбугі, мектепке қажетті заттарды алуға ақша үкіметтен бөлінетінін ашық айтып жүргендігіне көзіміз жетіп жүр. Айғайымен дауы көп басқарманың басшысының осындай бағытта жұмыс жасап жүргендігі көз қуантады. Тағы да айта кететін жәйт, облысымызда ең көп қаралатын сайт осы басқармаға тиесілі екен. Ол туралы өзінің тренингінде Асхат Еркімбай атып кеткен болатын.
Біз әрі қарай да желілердегі пікірлерді зерделеп, басқарма басшыларын жұмысын бақылап бағалайтын боламыз.
TURANINFO.KZ
