Әлеуметтік желіден сіздің ауданда жасап жатқан жақсы істеріңізді көріп қуанып жүрміз. Әсіресе үш елді мекенде кәсіпкерлер мен ауыл тұрғындарының қаражатына салынған балалар ойын алаңшалары туралы жылы пікірлер көп. Осы жұмысты ары қарай жалғастыру жоспарыңызда бар ма? Жалпы кәсіпкерлер бұл бастамаға қалай қарап жатыр?
Баққараев Олжас Елебекұлы:
Бірқатар ауылдық округтерде біз жергілікті кәсіпкерлерді тарта отырып, шамамен 10 млн теңгеден 30 млн теңгеге дейінгі көлемде балалар ойын алаңшаларын салып бердік. Оның ішінде Исламбек Дастан бауырымыздың және облыс әкімінің қолдауымен жаңа әлеуметтік жоба жүзеге асты. Сол жоба аясында олар бізге ойын алаңшасын сатып алып берді, ал жергілікті тұрғындар өз күштерімен ол ойын алаңшасын орнатып, (тартановые покрытия) дейміз гой яғни төсенділерді төсеп, халықтың игілігіне берді. Осындай игі іс Үлгі ауылында да орын алды.
