2025 жылы 12 тамыз күні Талас ауданы, Берікқара демалыс орталығында «Азаматтық қоғамның әлеуетін арттыру» атты семинары өткізілді.
«Азаматтық бастамаларды қолдау орталығының қолдауымен, «Жамбыл облысы Азаматтық Альянсы» заңды тұлғалар бірлестігі «Jambyl civil hub» жобасы аясында «Азаматтық қоғамның әлеуетін арттыру» атты семинары ұйымдастырылды. Семинардың басты мақсаты – үкіметтік емес ұйымдар (ҮЕҰ) қызметінің мониторингі және қоғамдық бақылау саласындағы өзара іс-қимылды дамыту.
Іс-шараның тренері — «Жамбыл облысы Азаматтық Альянсы» заңды тұлғалардың бірлестігінің басқарма төрағасы, заң ғылымдарының магистры — Дастан Исламбек Дастанұлы, «Талас ғұмыры» жастар қоғамдық бірлестігінің мүшесі Көлбаева Жазира Әбдірәсілқызы болды.
Іс-шараға Талас ауданының белсенді үкіметтік емес ұйымдарының өкілдері және азаматтары, волонтерларынан құрылған топ қатысты.
Оқыту барысында келесі өзекті тақырыптар қамтылды:
жұмыс істемейтін ҮЕҰ-дарды жабу тәртібі;
есептілікті мемлекеттік дерекқорға уақтылы тапсырудың маңызы;
мемлекеттік гранттарға қатысу мүмкіндіктері;
қаржылық сауаттылықты арттыру жолдары;
бюджеттік процесті азаматтық бақылаудың тетіктері.
Семинар қатысушылары өз тәжірибелерімен бөлісіп, маңызды сұрақтарына жауап алды. Шара соңында қатысушылар азаматтық қоғамның рөлін арттыруда мұндай кездесулердің маңызы зор екенін атап өтті.
