Бүгін Жамбыл облыстық филиалы Саяси кеңесінің кеңейтілген отырысы өтіп, жиынға еліміздің Парламент Мәжілісінің депутаты Ерболат Саурықов және саяси кеңес мүшелері мен жергілікті маслихаттарға партиядан депутат болып сайланған азаматтар қатысты.
Отырысты партияның Жамбыл облыстық филиалының төрағасы Берікбол Мәндібаев ашып, жүргізіп отырды.
Жиын барысында парламенттік партияға айналғаннан кейінгі жасалатын жұмыс бағыттары мен жобалары жөнінде айтылды. Алдағы кезеңдерде жұмысты одан әрі жандандыру, депутаттық корпустың белсенділігін арттыру, ауыл тұрғындары мен шаруалардың мәселелеріне баса назар аударып, оның шынайы шешім табуы жолында қызмет жасау жөнінде кеңірек айтылды.
Сондай-ақ, бастамалар мен тапсырмалардың тиімді іске асуы жайлы өзге де ұсыныстар талқыға салынды.
Жиын барысында партия облыстық филиалы төрағасының орынбасары сайланды. Осы күнге дейін Жамбыл облысы бойынша координатор қызметін атқарған Туғанбаев Нұржан Маратұлы төраға орынбасары болып сайланды.
Ол 1991 жылы Жамбыл облысында дүниеге келген. М.Х.Дулати атындағы Тараз мемлекеттік университетін филология мамандығы бойынша бітірген.
Әр жылдары қалалық және облыстық мерзімді басылымдарда тілші, бас редактордың орынбасары, ақпараттық-танымдық портал бас редакторы, Сарысу ауданы әкімінің баспасөз хатшысы, Тараз инновациялық гуманитарлық университетінде Медиа орталық директоры қызметтерін атқарған.
Партия жұмыстарында 5 жылға жуық тәжірибесі бар.
