ФИФА-ға жолданған ресми өтінімге барлығы 55 ойыншы еніп, оларды аңызға айналған команда капитаны Лионель Месси бастап шықты. Аргентина футбол қауымдастығының (AFA) хабарлауынша, құрамның негізін Еуропаның топ-чемпионаттарында доп тебетін шеберлер құраған.
Кеңейтілген тізімдегі негізгі ойыншылар:
-
Қақпашылар: Эмилиано Мартинес («Астон Вилла») бастаған 6 голкипер;
-
Қорғаушылар: Лисандро Мартинес («Манчестер Юнайтед»), Николас Отаменди («Бенфика»), Кристиан Ромеро («Тоттенхэм»), сондай-ақ Леонардо Балерди мен Факундо Медина («Марсель»);
-
Жартылай қорғаушылар: Энцо Фернандес пен Алехандро Гарначо («Челси»), Эксекиэль Паласиос пен Игнасио Фернандес («Байер»), Алексис Мак Аллистер («Ливерпуль»), сондай-ақ Николас Гонсалес пен Тьяго Альмада («Атлетико»).
Естеріңізге сала кетейік, «альбиселесте» қазіргі әлем чемпионы мәртебесіне ие. Олар 2022 жылы Катарда өткен доданың финалында Францияны пенальти сериясында қапы қалдырып, алтын кубокты иеленген болатын. Биылғы Әлем чемпионаты 11 маусым мен 19 шілде аралығында Солтүстік Американың үш елінде — АҚШ, Канада және Мексика стадиондарында жалауын көтереді.
