Бүгін Жуалы ауданы, Бауыржан Момышұлы ауылында футболдан әуесқой ардагерлер арасында жарыс өтті. Жарыстың негізгі ұйымдастырушы жақында ғана мерейлі 60 жасқа толған Мақсұтбек Арзымбетовты сыйлайтын достары командаларымен қатысты. Жарысқа 8 команда бақ сынасты. Жарысқа арнайы қонақ болып белгілі футболшы болған Сейділдә Байшақов қатысты.
«Жарыстың басты мақсаты бұқаралық спортты дамыту, салауатты өмір салтын насихаттау. Сегіз команда қатысып жатыр. Олар: Шымкент қаласынан, Түркістан облысынан, Тараз қаласынан , Қаратау қаласы, Жуалыдан. Ардагерлер арасында жарыс бұрында өтіп тұратын, биыл аумақтық болсын деп көрші облыстан командалар келіп қатысуда» деді Мақсұтбек Әбдіұлы.
Жарыс туралы пікірін Жамбыл облысының футболдан Әуесқойлар лигасының президенті Инаят Қырықбаев білдірді Осы біздің Жамбыл облысының ардагерлерінің арасындағы футбол жарысы жақсы деңгейде өтеді. Бүгін өзіміздің осы Жуалы аудандық спорт және дене шынықтыру бөлімінің басшысы Мақсұтбек Арзымбетов бауырымыздың 60 жасқа толған турнирін, сегіз команда Жамбыл облысынан, Шымкент облысынан келіп қатысып жатыр. Өте жоғары деңгейде өтіп жатыр деп ойлаймыз. Осы турнирге біздің мынау Қазақстанға аты шыққан кезінде совет одағының құрамасында ойнаған Сейділдә Байшақов ағамыз келіп, қатысып отыр. Бұл жарыс өзі жасөспірімдерге үлгі болады деп ойлаймын. 50 ден асқан футболшылар, менің жасым 63 те одан үлкендерде ойнауда деп ойын қорытты.
Жарыстың үшінші орнына Қаратаудан келген «Намыс» командасы мен Түркістан облысы, «Түлкібас» командасы кездесіп, түлкібастықтар қаратаулықтардан бір бас жоғары ойын көрсетіп жеңіске жетті. Ақтық ойында Тараздық «Әулиеата» мен Шымкент қаласынан келген «Шымкент» командасы кездесіп, тартысты ойында бір доп айырмасынан жергілікті команда жеңімпаз атанды.
Жарыс қорытындысы бойынша «Үздік шабуылшы» Бекболат Орынбеков (Қаратау қаласы, «Намыс» командасы), «Үздік қорғаушы» Құрманғазы Бейсенов (Шымкент командасы), «Үздік қақпашы» Женя (Әулиеата командасы) болып танылды.
TURANINFO.KZ
