Ағымдағы жылдың 24 сәуірінде Қаратау қаласының тұрғыны Талас аудандық полиция бөліміне сегіз жасар қызының балалар өнер мектебіндегі сабақтан кейін үйіне оралмағаны туралы арызданған.
Полиция қызметкерлерімен жедел түрде барлық қалалық, аудандық полиция бөлімдеріне және еліміздің басқа облыстарына бағыттама, яғни ориентировка жіберілді.
Жедел-іздестіру топтары құрылып, Қаратау қаласының барлық аумағында іздестіру іс-шаралары жүргізілді.
Іздеу жұмыстарына полиция күш-құралдары, төтенше жағдай қызметкерлері, мұғалімдер мен волонтерлар – барлығы 70-тен астам адам тартылды.
Анықталғандай, 2010 жылы туылған Аруайды бимен шұғылдануға үнемі атасы алып барып жүрген, алайда дәл осы күні ол үйіне жалғыз қайтқан.
Бүгін сағат 11.00 шамасында кәмелетке толмаған Аруайды іздестіру барысында Қаратау қаласының маңынан белгісіз адамның мәйіті табылды.
Аталған дерек бойынша мәйіттің жеке басын анықтау үшін барлық қажетті сараптамалар тағайындалды, сотқа дейінгі тергеу амалдары жүргізілуде.
Орын алған оқиға Ішкі істер министрі Ерлан Тұрғымбаевтың және Жамбыл облысының әкімі Асқар Мырзахметовтің тікелей бақылауында.
Аруайдың анасы мәйіттің киім қалдықтарының қызыныкі екенін болжады.
Сонымен қатар, ашуға бағытталған жедел-іздестіру жұмыстары жалғасуда.
Осы ретте, барлық ата-аналарға өз балаларын қараусыз қалдырмауларын сұраймын. Олар жоғалып кетуі немесе қылмыстық қол сұғушылықтың құрбаны болуы мүмкін.
Жамбыл облысы Полиция департаменті жоғалып кеткен Аруай туралы қандай да бір ақпарат болса 8 (726 44) 6-08-28, 6-05-66, 6-29-16 немесе 102 нөмірлеріне хабарласуды сұрайды.
Жамбыл облысы Полиция департаментінің Баспасөз қызметі
