Гамлет Қайнарбеков Жамбыл облысы әкімі аппарат басшысының орынбасары лауазымына тағайындалды деп хабарлайды «TURANINFO.KZ» ақпараттық агенттігі.
Жамбыл облысы әкімі аппарат басшысының бұйрығымен Гамлет Төреханұлы Қайнарбеков Жамбыл облысы әкімі аппарат басшысының орынбасары лауазымына тағайындалды. Гамлет Төреханұлы функционалдық міндеттеріне облыс әкімінің және әкімдігінің актілерін дайындау. Облыс әкімі аппаратының қаржы-шаруашылық бөлімінің және «Жамбыл облысы әкімі аппаратының шаруашылық басқармасы» коммуналдық мемлекеттік мекемесінің жұмысына жетекшілік ету, үйлестіру, өзара іс-қимыл ету.
Қайнарбеков Гамлет Төреханұлы 1968 жылы туылған, білімі жоғары, 1995 жылы Санкт-Петербург мемлекеттік экономика және қаржы университетін «экономист» мамандығы бойынша бітірген, экономика ғылымдарының кандидаты. Еңбек жолын 1999 жылы Алматы қаласында «Маконсалт» ЖШС-да консультант болып бастаған. 1999-2000 жылдары «Авто-Меркур» ЖШС-нің экономисті, 2000-2001 жылдары «Көмір Банк» басқармасының төраға көмекшісі, 2001 жылдың маусым-қазан айлары аралығында «Көмір Банк» басқармасында бас маман, 2001-2002 жылдары «Trabolt-Қазақстан» ЖШС-нің атқарушы директоры, 2002 жылдың сәуір-маусым айлары аралығында «Маконсалт» ЖШС-нің бас консультанты, 2002-2004 жылдары Қызылорда облысы әкімінің көмекшісі, 2004 жылдың маусым-желтоқсан айлары аралығында Қызылорда облысының өнеркәсіп және көлік басқармасы бастығының орынбасары, 2005 жылдың қаңтар-маусым айлары аралығында Қызылорда облысының жолаушылар көлігі және автомобиль жолдары басқармасы бастығының орынбасары, 2005-2007 жылдары Жамбыл облысы әкімі аппаратының ұйымдастыру-инспекторлық бөлімінің бас инспекторы, 2007 жылдың сәуір-қазан айлары аралығында «Атакент» Қазақстан іскер ыңтымақтастық орталығында бас менеджер, 2007-2008 жылдары «Әулие-Ата-Атакент» ЖШС-нің директоры, 2008-2009 жылдары «Кардиохирургия орталығы» ЖШС-і директорының орынбасары, 2010-2011 жылдары Жамбыл облысы әкімі аппаратының кадрлық жұмыс бөлімінің меңгерушісі, 2011-2017 жылдары Жамбыл облысы әкімдігінің дене шынықтыру және спорт басқармасының басшысы, 2017 жылдың 5 шілдесінен бастап бүгінгі күнге дейін Жамбыл облысы әкімдігі қаржы басқармасының басшысы қызметтерін атқарған.
