Осындай сәтте қоғамдағы әлеуметтік жауапкершілікті өз мойнына алып, көмекке қол созу – үлкен адамгершіліктің белгісі. Осы тұрғыда «AMANAT» партиясының бастамасымен жүзеге асып келе жатқан «Баланы мектепке дайындайық» республикалық акциясы өзінің ізгілікті дәстүрін жалғастырып отыр.
Бұл акция партияның «Бақытты отбасы» жобасы аясында жүзеге асып, мыңдаған отбасының қуанышы мен үмітіне айналды. Негізгі мақсаты – әлеуметтік осал топтағы балаларды жаңа оқу жылына дайындауға қолдау көрсету. Игі іс-шара барысында оқушыларға мектеп формасы, аяқ киім, сөмке, түрлі оқу құралдары табысталып, олардың жаңа білім жылын алаңсыз әрі толық дайындықпен бастауына жағдай жасалуда.
Мұнымен шектелмей, партия мүшелері мен еріктілер тек материалдық көмекпен ғана емес, сонымен бірге отбасылардың тұрмыс-тіршілігімен танысып, қажетті әлеуметтік қолдауларын көрсетуде. Бұл – «AMANAT» партиясының қоғам алдындағы шынайы қамқорлығы мен жауапкершілігін айқындайтын қадамдардың бірі.
Биылғы жаңа оқу жылы қарсаңында аталған акция Жамбыл облысының бірқатар аймақтарында ерекше қарқын алды. Атап айтқанда, Байзақ, Меркі, Жуалы және Сарысу аудандық филиалдары игі бастамаға белсене атсалысып, көптеген отбасыға қуаныш сыйлауда. Жалпы шараға облыстық және аудандық филиалдар, мәслихат депутаттары, бастауыш партия ұйымдары мен демеушілер де тартылып, әлеуметтік әріптестік пен ынтымақтастықтың жарқын үлгісін көрсетуде.
Жамбыл облыстық филиалының жоспарына сәйкес, биыл 3 мыңнан астам оқушыны мектепке қажетті құрал-жабдықтармен қамтамасыз ету көзделген. Қазіргі таңда 246 әлеуметтік аз қамтылған отбасындағы 337 балаға сөмке, форма, аяқ киім мен оқу құралдары беріліп үлгерді. Бұл көрсеткіштің алдағы уақытта еселеп артып, одан да көп балаға қуаныш сыйлары сөзсіз.
Осындай қайырымдылық шаралары тек балалардың жүзіндегі қуанышты күлкіні көбейтіп қана қоймайды, сонымен бірге қоғамдағы өзара қолдау мәдениетін нығайтып, мейірім мен қамқорлықтың қаншалықты маңызды екенін көрсетеді. «AMANAT» партиясының бұл бастамасы – әлеуметтік әділдікті орнатуға, әлсізге сүйеу болуға бағытталған ізгілікті қадам.
Жаңа оқу жылы қарсаңында жүзеге асқан бұл акция – тек қана материалдық көмек емес, ол балаларға сенім сыйлап, олардың болашағына жол ашатын шынайы қамқорлықтың көрінісі.
Ақпарат Жамбыл облысы әкімдігі ақпраат және қоғамдық даму басқармасының мемлекеттік ақпараттық тапсырыс негізінде дайындалды
