Ауылшаруашылығы саласы — ел экономикасын арттырып қана қоймай, халықты жұмыспен қамтуға зор мүмкіндік сыйлайтын бірегей сала. Шыны керек, Қазақстан халқы «Аграрлық саланы экономиканың жаңа драйверіне айналдыруымыз керек» деген Елбасы сөзінің мәнін енді ғана түсінгендей. Десе де, қазіргі күні елімізде ірі көлемде несие алып, ауылшаруашылық саласын дамытуға өз үлестерін қосып келе жатқан кәсіпкерлерден бөлек, жеке шаруашылық серіктестік өкілдерінің қатары мол. Соның бірегейі – «ARNO AGRO» ЖШС-і.
«ARNO AGRO» ЖШС-нің негізгі табыс көзі – бау-бақша өнімдері болып табылады. Серіктестіктің жазиралы Жамбыл өңіріндегі Ақшолақ елдімекенінен өзге Оңтүстік Қазақстан жерінде де интенсивті бақша өсіру алаңдары бар. Айта кетейік, өткен жылы «ARNO AGRO» ЖШС өкілдері облыс әкімдігінің ауылшаруашылығы басқармасымен бірлесе отырып, тиісті меморандумға қол қойған болатын. Мінеки, екіжақты келісімнің нәтижесінде киелі Құлан жерінен мемлекеттік «Агроэксперт» бағдарламасы шеңберінде «Агропарк Құлан» деп аталатын интенсивті бақша алаңы салынып отыр.
Өткен сенбі күні ауданымыздағы бірегей демалыс орны «Дендро саябақпен» етене жалғасып салынған «Агропарк Құлан» интенсивті бағының салтанатты ашылу рәсімі болып өтті. Жиынға “Аграрлық несие
корпорациясы” АҚ директоры Нармұхан Сарыбаев пен «FTC Eguity» компаниясының директоры Алмас Карибаев арнайы Елордамыз Астанадан келді. Жиын барысында алғаш
қылардың бірі болып аудан әкімі Асқар Қырықбаев сөз алды. Одан кейін, ортаға шығып сөз сөйлеген «Аграрлық несие корпорациясы» акционерлік қоғамының директоры Нармұхан Қалмаханұлы мен «ARNO AGRO» ЖШС-нің бас директоры Мақсат Қылаңов ауылшаруашылығы саласын дамытуға мемлекет тарапынан жасалып отырған көптеген бағдарламалардың мүмкіншілігін түсіндіріп, «Агроэксперт» бағдарламасы бойынша ел аумағында атқарылған жұмыстардың нәтижелерін баяндады. Ал «FTC Eguity» компаниясының директоры Алмас Самалұлы аталмыш сала бойынша жүзеге асырылып жатқан барлық бағдарламалар ретін слайд арқылы көрсетіп, олардың бағыт-бағдарын айтты. Біз өз кезегімізде «ARNO AGRO» ЖШС-нің бас директоры Мақсат Қуанышұлын әңгімеге тартып көрген едік. «Агропарк Құлан» интенсивті бақша алаңына шие көшетін отырғызуды біз өткен жылдың қазан айында бастаған болатынбыз. Дәлқазіргі уақытта 100 гектар алқапқа Польшадан әкелінген «Любская» тұқымды 166 мың түп шие ағашы отырғызылды. Көшетке жұмсалған қаржының жалпы жиынтық сомасы — 620 млн.теңге. Бау-бақшаны салуға
толық жағдай жасаған аудан әкімі Асқар Санатұлына, сондай-ақ, бізге қаржылай қолдау көрсетіп, Польша елінен көшеттерді әкеліп берген «Аграрлық несие корпорациясы» акционерлік қоғамы мен «СПК Тараз» басшылығына жеке алғысымды білдіремін. Одан өзге өзіңіз көріп отырғандай, мына 100 гектар алқапты біз тамшылатып суару әдісі арқылы іске асырамыз. Аталмыш әдістің құрал-жабдықтарын толығымен «Soldrip» компаниясы өз міндетіне алып, орналастырып беріп отыр. Ол компания өкілдеріне де зор алғыс айтып өткен абзал. Қазіргі уақытта «Агропарк Құланда» 50-ге жуық жұмысшы бар. Алайда, 2020 жылға дейін біз бұдан бөлек, 600 гектарға алма, 200 гектарға жаңғақ, 100 гектарға жүзім егуді жоспарлап отырмыз. Ол ойымыз жүзеге асқан күнде 2000 адам жұмыспен қамтылатын болады» дейді серіктестіктің бас директоры
