Алматыда “InternetCA-2018 Орталық Азиядағы интернет саласының дамуы” ІХ ортаазиялық форумы басталды.
Форумды Астанадағы ЕҚЫҰ Офисі мен Конрад Аденауэр атындағы қордың қолдауымен өтуде. Форумның тақырыбы: “БАҚ, мемлекет, қоғам: цифрлық қауіпсіздік пен медиа сауаттылық”
Форумда талқыланатын негізгі тақырыптар: Ақпараттық кеңістіктің дамуындағы мемлекет пен қоғамның, БАҚ-тың рөлі, Шындықты қалыптастырудағы интернеттің әсері, Цифрлық қауіпсіздік, дербес деректерді сақтау, Орталық Азиядағы сөз бостандығы, БАҚ мүмкіндіктері, Аудиторияның медиа сауаттылығы фейк жаңалықтарға, насихатқа қарсы ең тиімді құрал ретінде, Ксенофобия, өшпенділік тілі, Медиакеңістікті реттеудегі мемлекеттің рөлі.
Осымен тоғызыншы рет өтіп жатқан форумға Германия, Чехия, Ресей, Украина, Тәжікстан, Қырғызстан, Өзбекстаннан келген мемлекеттік органдардың, халықаралық ұйымдардың, ҮЕҰ-дың, дипломаттар, журналистер, сарапшылар, академиялық және бизнес орта өкілдері аймақ ақпараттық кеңістігіндегі БАҚ-тың, қоғамның және мемлекеттің рөлдерін талқылай отырып, тың бастамалар мен идеяларды, нақты мысалдар мен құралдарды талқылауын бастады.
TURANINFO.KZ
