Тараз қаласындағы «Зербұлақ» демалыс аймағында мүгедек жастарға арналған «Асар» оңалту орталығы ашылды деп хабарлайды «TURANINFO.KZ» ақпараттық агенттігі.
«Асар» оңалту орталығының ашылуына «Нұр Отан» партиясы Жамбыл облыстық филиалының бірінші орынбасары Мұратхан Шүкеев, Алматы қаласынан арнайы Қазақстан мүгедектер одағының төрағасы Әли Аманбаев, Жамбыл облыстық «Азаматтық Альянсы» ЗТБ президенті Заиджан Юлдашев, Жамбыл облысы әкімдігінің жұмыспен қамту және әлеуметтік бағдарламалар басқарма басшысының орынбасары Ермек Бықыбаев, ҚМДБ Жамбыл облыстық өкіл имамы, һибатулла Тараз мешітінің бас имамы Данияр Жұмабаев, астрафизик, жас гений, «Нұр бала» жобасының түлегі Исаак Мустопуло, параолпипиада чемпионы, ел мақтанышы Зулфия Габидуллина, осы ауқымды, игі істің басында облыс әкімінің кеңесшісі, «Асар» Жамбыл облыстық мүгедектер жұмыс жасайтын ұйымдарының одағы» ЗТБ президенті Руслан Тулегенов қатысты. Орталықтың ашылу лентасын қию Мұратхан Жүнісәліұлы мен Исаак Мустопулоға бұйырды.
— «Орталықты кәсіпкерлердің көмегімен асарлатып салдық. Осы уақытқа дейін жалдамалы жерлерде көшіп-қонып жүр едік. Енді салтанатты түрде ашылуы өтіп жатыр. Қолдау көрсетіп келген адамдарға алғысымыз зор. Ары қарай да орталығымызды үлкейтуге күш салатын боламыз» — деп мәлімдеді Руслан Қаншымбекұлы.
Айта кетерлігі, орталықта «Инватакси», «Нұр бала», «Иппотерапия» және т.б. жобаларды жүзеге асырудамыз. Ал, Исаак Мустопуло 10 жыл бойы «Жас мүгедектер қоғамында тәрбиеленіп, аяқтап шықты. Келген қонақтарға дастархан жазылып, Рамазан айы алдындағы сауатты іс болғандықтан Құран оқылып, ұйымның белсенділерінің концерттік бағдарламасы көрсетілді.
