Қарекетке – әрекет
Қарекетке қатысқан жамбылдық тұрғынға Жамбыл облыстық қоғамдық кеңестің хатшысы, «100 жаңа есім» жобасының жеңімпазы Сембек Сейдәзімов қол ұшын созды. «Қазақстан» ұлттық арнасының «Қарекет» бағдарламасына Гүлбағила есімді облыс тұрғыны барған болатын. 49 жастағы азаматшаның күйеуі осыдан 25 жыл бұрын қайтыс болып кетіпті. Сондай-ақ үлкен қызы жүрек ауруынан бақилық болған болса, одан кейінгі ұлы «минингид» ауруымен ауырып келместің кемесіне мініп кете барған. Сөйтіп қасында қалған жалғыз жанашыры, кенже ұлы да 2011 жылы 17 жасында кісі қолынан қаза тауыпты. Осылайша, кенжесінің асын беріп есін енді жия бастаған тұста Гүлзираның өзі жол-көлік апатына түсіп, бүгінде екі қолы істемей қалыпты. Бұдан өзге осы апаттан екі аяғы да істен шығып қалғанымен оның бойындағы сенімі ол дертті жеңіп шығып, аяққа тұрған. Қазіргі таңда ертеңгі күнге деген сенімі мол азаматшаның бүгінгі ісі баршаға үлгі. Ол тауық алып, оны қарағысы келеді. Оның өзі ертеңгі күнге деген сенім. Өйткені, алған тауығына өзі қарап, жем шашқысы келеді. Осы арқылы оның қолым істеп кетеме деген сенімі мол. Оның «Қарекет» бағдарламасына шыққанын көрген Жамбыл облыстық қоғамдық кеңестің хатшысы, «100 жаңа есім» жобасының жеңімпазы Сембек Сейдәзімов тұрғынның үйіне барып, су тарту құрылғысын орнатып беріп, кір жуғыш машина сыйға тартты.
TURANINFO.KZ
