«РУХЫҢДЫ ҰЛЫҚТА» АКЦИЯСЫ ОБЛЫС АУДАНДАРЫНДА
Елбасының «Болашаққа бағдар:рухани жаңғыру» бағдарламалық мақаласының аясында Жамбыл облысы əкімдігінің мəдениет, архивтер жəне құжаттама басқармасы мен Жастар саясаты мəселелері басқармасы бірлесіп əрбір Қазақстан азаматының санасын рухани жаңғырту, тұрғындардың әсіресе өскелең ұрпақты туған жерін сүюге және патриоттық рухта тәрбиелеуге айрықша ынтамен атсалысу, тұрғындарға,жастарға ұлттық деңгейдегі өзекті мәселе — рухани мұраны дәріптеу, жалпы ұлттық қызығушылықты ояту, Жамбыл атындағы «Руханият» орталығы туралы мағлұмат беру, келушілердің қызығушылығын арттыру мақсаттарында «Рухыңды ұлықта» атты акциясы басталған болатын.
Акцияға қатысушы спикерлерді бүгін Руханият орталығының ауласында бір топ белсенді жастар мен Жамбыл облысы əкімдігінің мəдениет, архивтер жəне құжаттама басқармасының басшысы Дүйсенəлі Бықыбаев жəне Облыстық халық шығармашылығы орталығының ұжымы салтанатты түрде шығарып салды.
Акция киелі Байзақ ауданында басталды.
Жамбыл атындағы «Руханият» орталығының меңгерушісі Ахметжан Өзбековтың модераторлығымен өткен мазмұнды шараға
Жамбыл атындағы «Руханият» орталығының экскурсоводы Айніл Əбуəлі, облыстық кино орталығы директорының міндетін атқарушы Сайлаубек Лесбаев, Тараз мемлекеттік педагогикалық университеті филология факультетінің ұстазы, филология ғылымдарының кандидаты, доцент Сейсекүл Исматова, жас ақын Арайлы Жақсылық, Облыс әкімдігінің жастар саясаты мәселелері басқармасы «Жастар ресурстық орталығының» бөлім басшысы Арайлым Абдуалиева белсене қатысып, ауыл тұрғындары мен жастарға Елбасы мақаласы мен қозғалған мəселелер, ұлттық құндылықтар жайында мол мағлұмат, терең түсініктеме берілді. Акция Ескендір Хасанғалиевтің танымал «Атамекен» əнімен қорытындыланды.
Ары қарай спикерлер Тұрар Рысқұлов ауданына бет алып, құландық жұртшылық акцияның жоғары дəрежеде өтуіне атсалысты. Спикерлер түрлі тақырыптарда өз ойларын ортаға салды. Шарада Жамбыл атындағы «Руханият» орталығының жұмысы туралы баяндалып, Елбасы мақаласының маңызы, 100 жаңа есім жобасы, жастардың жат ағымдарға еріп кету мəселесі, ескілікті салт-дəстүрлеріміздің жаңғыруы хақында сөз болды.
TURANINFO.KZ
