№1 «Тараз» колледжінде «Тараз қаласы әкімдігі ішкі саясат бөлімінің» әлеуметтік мемлекеттік тапсырысы шеңберінде «Тараз достары» жастар қоғамдық бірлестігінің ұйымдастыруымен «Адам саудасына байланысты қылмыстың алдын – алу мен оған қарсы күреске бағытталған іс – шараларды ұйымдастыру» жобасына сәйкес «Адам саудасының құрбаны болма!» тақырыбында кездесу өтті.
Жиынды ашып жүргізіп отырған «Тараз достары» жастар қоғамдық бірлестігінің Атқарушы директоры Абзал Есіркепов «Адам саудасының деңгейін азайту үшін Қылмыстық кодекске адамдарды жезөкшелікке немесе сексуалдық қызметтің басқа да түрлерін көрсетуге тартатын коммерциялық ұйымдарды құруды криминализациялаумен байланысты жаңа баптарды енгізе отырып әрекеттегі қылмыстық заңнаманы түзету қажеттігін жеткізді. Сондай-ақ ол мұның іс жүзінде криминалдық мақсатта қолданылатын массаж жасау кабинеттері, сауналар, түнгі клубтар мен мейрамханалар секілді көптеген мекемелерге қарсы іс-қимыл жасауға бағытталар еді деген тұжырымды ой қозғады. Сонымен қатар қыздарға қыздардың яғни жастардың ара қатынасы бойынша және заң алдындағы жауапкершілігі мен «Бүгінгі ұрпақ кемел болашақ» екенін толықтай түсіндірген «Тараз қаласы әкімдігі ішкі саясат бөлімінің «Тараз ресурстық орталығының» директорының орынбасары Ғабиден Исатай нақты мәліметтер көрсетті. Шарада бұдан өзге адам саудасы – үнемі дамып отыратын, бір өкініштісі экономикалық жаһандандырумен және еңбекке жұмылдырумен, технологиялық жетістіктермен, кедейлікпен, экономикалық және саяси өзгерістермен, мәдени өзара қатынаспен және әлеуметтік мәртебемен қатарласып өзгеріп те, өсіп те келе жатқан жағымсыз құбылыс екені кеңінен түсіндірілді.
– Елде адам саудасы үшін жаза қолданатын заңдар болғанымен мұндай қылмыстарды аяғына дейін дәлелдеу қиынға соғады, оның үстіне көп әйелдер сотта куәгер болудан бас тартып жатады. Яғни әйелдерді қанап, жезөкшелікпен айналысуға мәжбүрлеп жүрген адам шындап келгенде ештеңеден сескенбейді, – деді Абзал Есенұлы.
Кездесу соңы дискуссия ұласып, сұрақтар қойылып сұрақтарына толықтай жауап алды. Жастар өз алғыстарын айттып және де осындай іс-шаралары жиі өтіп тұрса деген ниет білдірді.
