Жамбылдық полицейлер шығыны 3 миллион теңгеден астам мал ұрлығын ашты
2017 жылдың 20 қазаны күні Жамбыл аудандық ішкі істер бөліміне Жамбыл ауданы Қаракемер аулының 1971 жылы туылған А. есімді тұрғыны қарамағындағы мал бағушысын бөгде біреулердің күш қолданып, аяқ-қолын байлап, қорасынан 139 бас ұсақ малын ұрлап кеткендігін хабарлаған.
Аталған дерек Қазақстан Республикасы Қылмыстық кодексінің 191-бабы 3-бөлімімен (5 жылдан 10 жылға дейін бас бостандығынан айыру жазасы) Жамбыл ауданы сотқа дейінгі тергеп-тексерудің бірыңғай тізіліміне тіркеліп, қылмыстық іс қозғалды.
Хабарлама түскен күні Жамбыл ауданы ІІБ-нің қызметкерлерімен жүргізілген жедел іздестіру жұмыстарының нәтижесінде Жамбыл ауданының далалы аумағында Тұрар Рысқұлов ауданына қарай мал айдап бара жатқан 31, 24 және 25 жастағы Тараз қаласының үш тұрғыны ұсталды. Күдіктілер кінәларын толықтай мойындап, Жамбыл ауданы ішкі істер бөлімінің уақытша ұстау изоляторына қамаққа алынды.
Сотқа дейінгі тергеу нәтижелері бойынша жәбірленушіге 3 млн-нан астам шығын келтірілген.
Қазіргі уақытта күдіктілердің өзге қылмыстарға қатыстылығы тексерілуде.
Қосымша ақпарат: Жамбыл облысында 2017 жылдың 9 айы бойынша мал ұрлығына қатысты 437 қылмыстық іс тіркелген.
Untitled
Жамбыл облысы ІІД Баспасөз қызметі
